Фарғона вилоятида 1,4 млрд сўм субсидия маблағлари ўзлаштирилгани аниқланди

Аниқланган ҳолатлар кесими:

• Учкўприк тумани: 2 та юридик шахс 37 нафар касаначига 309,4 млн сўмлик асбоб-ускунани етказмаган;
• Риштон тумани: 1 та юридик шахс 42 нафар касаначига 277,2 млн сўм;
• Боғдод тумани: 2 та юридик шахс 54 нафар касаначига 275,0 млн сўм;
• Бешариқ тумани: 1 та юридик шахс 33 нафар касаначига 192,4 млн сўм;
• Қўқон шаҳри: 1 та юридик шахс 17 нафар касаначига 160,5 млн сўм;
• Фарғона тумани: 1 та юридик шахс 14 нафар касаначига 106,3 млн сўм;
• Фарғона шаҳри: 1 та юридик шахс 15 нафар касаначига 98,0 млн сўм;
• Данғара тумани: 1 та юридик шахс 7 нафар касаначига 51,0 млн сўм.

Қўшимча равишда, жами 335,0 млн сўм субсидия асоссиз ажратилгани қайд этилди.

6 нафар фуқаро номига икки марта тўлов амалга оширилиб, жами 34,9 млн сўм қарoрга зид равишда бериб юборилган.

ВМ қарори 252-сон (11.05.2022) талаби бузилиб, “Темир дафтар”, “Аёллар дафтари” ва “Ёшлар дафтари”га киритилган 47 нафар фуқарога, улар аввал субсидия олган бўлса-да, яна такроран 300,1 млн сўм ажратилган.

Қарор талаби бўйича Камбағалликни қисқартириш ва бандликка кўмаклашиш бўлими ходимлари ҳамда ҳоким ёрдамчилари томонидан олиб борилиши керак бўлган мониторинг ишларида масъулиятсизлик ва қўпол хатоларга йўл қўйилгани таъкидланди.

Тўпланган материаллар асосида Бош прокуратура ҳузуридаги Иқтисодий жиноятларга қарши курашиш департаменти томонидан Жиноят кодексининг тегишли моддалари билан жиноят иши қўзғатилди, ҳозирда дастлабки тергов ҳаракатлари олиб борилмоқда.