Хитойнинг хотира микросхемалари ишлаб чиқарувчи ChangXin Memory Technologies (CXMT) компанияси Пентагонни судга берди.
Компания ўзининг Хитой ҳарбий секторини қўллаб-қувватловчи ташкилотлар рўйхатига киритилганидан норози.
CXMT ва Yangtze Memory Technologies (YMTC) компаниялари АҚШнинг «қора рўйхати»га киритилган бўлиб, Пентагон уларни Хитой ҳарбий секторига алоқадор тузилмалар сифатида таснифлаган. Чекловларга кўра, АҚШ компанияларининг уларга технологиялар бериши ва улар билан маҳсулотларнинг техник тавсифини муҳокама қилиши тақиқланади.
Колумбия округи судига берилган даъвода айтилишича, Пентагоннинг қарори «ўзбошимчалик» бўлиб, ҳеч қандай асосга эга эмас ва компаниянинг тегишли ҳуқуқларини бузади. CXMT ўзининг DRAM чиплари фақат фуқаролик ва тижорат фойдаланувлари учун: смартфонлар ва компютерлардан тортиб сунъий интеллект учун мўлжалланган.
Таъкидланишича, «ҳарбий компания» мақоми унинг обрўси ва тижорий фаолиятига жиддий зарар етказади.
