Саноат корхоналарининг асосий қисми озиқ-овқат маҳсулотлари ишлаб чиқаришга ихтисослашган

2025 йил 1 ноябр ҳолатига республикада фаолият юритаётган 58,6 мингта саноат корхонасининг энг катта қисми — 11,7 мингтаси озиқ-овқат маҳсулотлари ишлаб чиқариш соҳасига тўғри келади.

Миллий статистика қўмитаси маълумотларига кўра, 2025 йил 1 ноябр ҳолатига Ўзбекистонда жами 58,6 мингта саноат корхонаси фаолият юритмоқда.

Иқтисодий фаолият турлари кесимида саноат корхоналарининг таркиби қуйидагича шаклланган:

озиқ-овқат маҳсулотлари ишлаб чиқариш – 11,7 мингта корхона;
бошқа нометалл минерал маҳсулотлар ишлаб чиқариш – 8,2 мингта корхона;
кийим ишлаб чиқариш – 5,8 мингта корхона;
тайёр металл буюмлар ишлаб чиқариш – 4,7 мингта корхона;
мебел ишлаб чиқариш – 4,0 мингта корхона;
тўқимачилик маҳсулотлари ишлаб чиқариш – 3,6 мингта корхона;
резина ва пластмасса буюмлар ишлаб чиқариш – 2,8 мингта корхона.

Расмий маълумотларга кўра, саноат таркибида озиқ-овқат, қурилиш материаллари (нометалл минерал маҳсулотлар) ва енгил саноат — кийим ва тўқимачилик маҳсулотлари ишлаб чиқариш йўналишлари устувор ўринни эгаллаб турибди.

Тайёрлаган: Отабек Матназаров

#озиқ-овқат #корхона #статистика