Кийим ишлаб чиқаришда Андижон вилояти пешқадам бўлди

2025 йил январ–октябр ойларида мамлакатда йирик корхоналар томонидан 34,3 трлн сўмлик кийим ишлаб чиқарилган бўлиб, бу кўрсаткич ўтган йилнинг шу даврига нисбатан 32,9 фоизга ошган. Кийим ишлаб чиқариш бўйича энг катта улуш Андижон вилоятига тўғри келмоқда.

Фото: Freepik

Миллий статистика қўмитаси эълон қилган маълумотларга мувофиқ, 2025 йилнинг январ–октябр ойларида Ўзбекистонда йирик корхоналар томонидан жами 34,3 трлн сўмлик кийимлар ишлаб чиқарилган. Бу 2024 йилнинг мос даврига нисбатан 32,9 фоизга кўпдир.

Ҳудудлар кесимида кийим ишлаб чиқариш ҳажми қуйидагича тақсимланган:

Андижон вилояти – 15,3 трлн сўм;
Тошкент вилояти – 3,4 трлн сўм;
Наманган вилояти – 3,4 трлн сўм;
Тошкент шаҳри – 2,4 трлн сўм;
Фарғона вилояти – 2 трлн сўм;
Навоий вилояти – 1,7 трлн сўм;
Қашқадарё вилояти – 1,5 трлн сўм;
Бухоро вилояти – 1,3 трлн сўм;
Самарқанд вилояти – 1,1 трлн сўм;
Сурхондарё вилояти – 520,7 млрд сўм;
Жиззах вилояти – 481,8 млрд сўм;
Қорақалпоғистон Республикаси – 457,5 млрд сўм;
Хоразм вилояти – 361,4 млрд сўм;
Сирдарё вилояти – 358,7 млрд сўм.

Шу тарзда кийим ишлаб чиқариш бўйича пешқадам ҳудуд — Андижон вилояти бўлиб, у республикада йирик корхоналар ишлаб чиқараётган умумий маҳсулот ҳажмининг катта қисмини ташкил этмоқда. Тошкент ва Наманган вилоятлари, шунингдек, Тошкент шаҳри ҳам тармоқдаги етакчи ҳудудлар сирасига киради.