Навоий вилояти аҳоли жон бошига инвестициялар ҳажми бўйича етакчилик қилмоқда

Миллий статистика қўмитасининг дастлабки маълумотларига кўра, 2025 йилнинг январ—сентябр ойларида республика бўйича аҳоли жон бошига тўғри келадиган инвестициялар ҳажми 11,7 миллион сўмни ташкил этган.

Бу кўрсаткич 2024 йилнинг шу даврига нисбатан 12,9 фоизга ўсгани қайд этилмоқда.

Аҳоли жон бошига инвестициялар ҳажми бўйича топ-5 ҳудуд қуйидагича шаклланган:

• Навоий вилояти – 29,7 млн сўм;
• Тошкент шаҳри – 22,9 млн сўм;
• Тошкент вилояти – 20,3 млн сўм;
• Наманган вилояти – 16,3 млн сўм;
• Самарқанд вилояти – 15,2 млн сўм.

Шу тариқа, аҳоли жон бошига инвестициялар ҳажми бўйича Навоий вилояти етакчи ўринни эгаллаётгани, пойтахт ва унга яқин ҳудудлар ҳам юқори кўрсаткичлар билан ажралиб тургани таъкидланмоқда.