Қўшимча функционаллар
-
Тунги кўриниш
2030 йилгача 17 минг МВтдан ортиқ «яшил» энергия қувватлари ишга туширилади
Президент Шавкат Мирзиёев электр энергиясига ошиб бораётган эҳтиёжни қоплаш мақсадида 2030 йилгача қўшимча 17 минг мегаваттдан ортиқ қайта тикланувчи энергия қувватларини ишга тушириш Ўзбекистон учун устувор вазифа эканини таъкидлади.
Давлат раҳбарининг сўзларига кўра, ушбу лойиҳалар амалга оширилса, «яшил» энергиянинг жами генерациядаги улуши 54 фоизга етказилади. Бу нафақат миллий энергетика хавфсизлигини мустаҳкамлайди, балки табиат муҳофазаси ва барқарор ривожланиш мақсадларига эришишда ҳам муҳим омил бўлади.
Маълум қилинишича, бугуннинг ўзида Қорақалпоғистон Республикаси, Бухоро, Қашқадарё ва Тошкент вилоятларида умумий қуввати 3,5 минг мегаватт бўлган, қиймати 3 миллиард 300 миллион долларга тенг “яшил” энергетика лойиҳаларига старт берилмоқда. Президент буни белгиланган мақсад сари ташланган катта амалий қадам сифатида баҳолади.
Янги қувватларни ягона энергетика тизимига боғлаш учун юқори кучланишли 6 минг километр электр тармоқлари тортилади.
Хусусан, келгуси йилнинг ўзида 1 минг километр юқори кучланишли тармоқлар барпо этилади, подстанцияларда 6 минг мегаватт қўшимча қувватлар яратилади.
Президент таъкидлаганидек, бу ишлар янги қурилаётган қуёш, шамол ва гидроэлектр станцияларини тизимга барқарор улаш, истиқболда ортиб борадиган саноат ва аҳоли истеъмолини ишончли ва узлуксиз энергия билан таъминлашга хизмат қилади.
Мавзуга оид
17:49 / 13.04.2026
2026 йилнинг I чорагида Ўзбекистонда «яшил» энергия ишлаб чиқариш 40 фоизга ошди
11:45 / 24.02.2026
Ҳар пайшанба — вазирлик ва ҳокимликларда «Ёшлар куни» бўлади
11:08 / 24.02.2026
«22 миллиондан зиёд ёшлар тимсолида катта иқтисодий, ижтимоий ва сиёсий кучни кўрамиз» – президент
08:44 / 24.02.2026