Қўшимча функционаллар
-
Тунги кўриниш
Дори сифати назоратида Европа, АҚШ ва Япония фармакопеялари услуби қўлланиши мумкин
Ўзбекистонда дори воситалари сифати устидан назоратни халқаро стандартларга яқинлаштириш мақсадида, давлат фармакопеясида синов усули кўрсатилмаган ҳолатларда Европа, АҚШ, Япония каби етакчи фармакопеялар методларидан фойдаланиш тартиби жорий этилади. Бу тартиб тегишли низом лойиҳасида белгиланган.
Фото: РИА Новости
Лойиҳага кўра, дори воситалари сифати биринчи навбатда Ўзбекистон давлат фармакопеяси талаблари асосида баҳоланади. Агар керакли синов усули давлат фармакопеясида мавжуд бўлмаса, Европа фармакопеяси, АҚШ фармакопеяси, Япония фармакопеяси ҳамда Жаҳон соғлиқни сақлаш ташкилотининг халқаро фармакопеясида қайд этилган методлардан устуворлик тартибида фойдаланишга рухсат берилади.
Бундай усуллар дори воситаларини рўйхатдан ўтказиш ва қайта рўйхатдан ўтказиш жараёнида Фармакопея қўмитасининг илмий ва эксперт кенгаши хулосаси билан норматив ҳужжатларга киритилади. Танланган хорижий методлар маҳаллий шароитда қўллашдан олдин лаборатория синовлари ва валидациядан ўтказилиши шарт.
Ҳужжатда таъкидланишича, ишлаб чиқарувчи корхоналар томонидан таклиф этилаётган ички (in-house) синов усуллари ҳам, агар улар аниқлик ва ишончлилик бўйича халқаро фармакопеялардаги стандартлардан кам бўлмаса, белгиланган тартибда тасдиқланиб, норматив ҳужжатларга киритилиши мумкин.
Низом лойиҳаси дори воситалари муомаласи билан шуғулланувчи барча корхона ва ташкилотлар учун мажбурий ҳисобланади, ветеринар дори воситалари ва дорихона шартларида тайёрланадиган дори препаратларига эса татбиқ этилмайди.
Мавзуга оид
21:50 / 06.12.2025
Бухорода дорихона мудирининг уйидан қарийб 335 млн сўмлик кучли таъсир қилувчи дори воситалари топилди
14:34 / 01.12.2025
Тошкентда 800 дан ортиқ кучли таъсир қилувчи дори воситаларини ноқонуний сақлаган фуқаро ушланди
14:45 / 28.11.2025
Фарғонада 1,5 млрд сўмлик ҳужжатсиз дори савдoси фош этилди
22:33 / 21.11.2025