Рецептли дориларни онлайн аниқлаш хизмати ишга тушди

My.gov.uz (Ягона интерактив давлат хизматлари портали)да “Рецепт асосида ва рецептсиз бериладиган дори воситалари ҳақида маълумот” хизмати орқали эндиликда дори воситасининг рецепт билан ёки рецептсиз сотилишини онлайн аниқлаш мумкин.

Сайтдан скриншот

Маълумотларга кўра, хизматдан фойдаланиш учун порталдаги тегишли саҳифага кириб, керакли дори номини қидирув майдонига киритиш кифоя. Натижа дори номи киритилгандан сўнг дарҳол, реал вақт режимида тақдим этилади.

Хизматдан фойдаланиш тартиби:

My.gov.uz’даги “Рецепт асосида ва рецептсиз бериладиган дори воситалари ҳақида маълумот” хизматига кирилади;
дори номи киритилади;
дори воситаси рецептли ёки рецептсиз экани бўйича маълумот кўринади.

Хабарларда қайд этилишича, хизмат бепул ҳисобланади.

Тайёрлаган: Отабек Матназаров

#дори #давлат хизматлари