2025 йилда алоқа-ахборотлаштириш хизматлари таркиби маълум қилинди

Миллий статистика қўмитаси маълумотларига кўра, 2025 йилнинг январ–ноябр ойларида мамлакатда алоқа ва ахборотлаштириш хизматлари ҳажми 70,6 трлн сўмга етган.

Қайд этилишича, хизматлар турлари бўйича энг юқори кўрсаткич компьютер дастурлаштириш хизматларига тўғри келиб, ушбу йўналишда 29,8 трлн сўмлик хизматлар кўрсатилган.

Шунингдек, телекоммуникация хизматлари ҳажми 22,6 трлн сўмни ташкил этган. Ахборот соҳасидаги хизматлар эса 11 трлн сўм қайд этилган.

Маълумотларга кўра, алоқа-ахборотлаштириш соҳасидаги бошқа хизматлар ҳажми 7,2 трлн сўмга тенг бўлган.

Қайд этилишича, кўрсаткичлар рақамли хизматларга бўлган талаб ортиб бориши, дастурий маҳсулотлар ва телеком инфратузилмасининг кенгайиши ҳисобига шаклланмоқда.