Инфографика: Африканинг ҳақиқий кўлами

Оддий хариталарга қаралса, Африка — нисбатан кичик қитъадек туюлади. Инфографикада Африка ўлчамининг дунёнинг айрим давлатлари ва минтақалари билан нисбати кўргазмали тарзда намойиш этилган.

Меркатор проекциясининг бузилиши сабаб, Африка Евросиёдан анча кичикдек кўринади. Аслида эса Африканинг майдони Евросиё майдонининг ярмидан ҳам катта: 30,32 миллион км² (Африка) 53,44 миллион км² (Евросиё)га қарши.

Россия — дунёдаги энг катта давлат. У Африкадан ҳам каттадек туюлиши мумкин, аммо бу ундай эмас. Россиянинг майдони — 17 миллион км²дан сал кўпроқ.

АҚШ (9,8 миллион км²), Хитой (9,6 миллион км²) ва Бразилия (8,5 миллион км²) ҳам дунёдаги энг катта 5 давлат қаторига киради. Майдон жиҳатидан бу уч давлат гипотетик равишда биргаликда Африка ҳудудига сиғиши мумкин эди. Аммо унга Ҳиндистон (3,3 миллион км²)ни қўшиш учун жой қолмас эди.

Шу билан бирга, Африка ҳудудида Россиянинг Европа қисми ҳисобга олинмаган ҳолда бештадан кўпроқ Европани (5,9 миллион км²) жойлаштириш мумкин бўларди.