OpenAI компанияси яқин ҳафталарда ChatGPT чат-ботида реклама пайдо бўлишини маълум қилди.
Қайд этилишича, реклама чат-ботнинг бепул версияси ҳамда ChatGPT Go тарифида кўрсатилади. Plus, Pro, Business ва Enterprise тарифларида реклама жойлаштирилмайди.
Компаниянинг изоҳ беришича, рекламадан тушадиган даромад янада кучлироқ сунъий интеллектни ишлаб чиқишни молиялаштиришга ёрдам беради.
Таъкидланишича, фойдаланувчиларнинг ёзишмалари ва шахсий маълумотлари реклама берувчиларга тақдим этилмайди.
