Шавкат Мирзиёев Тинчлик кенгаши низомини имзолаш маросимида иштирок этиш учун Швейцарияга жўнаб кетди

Ташаббус АҚШ президенти Доналд Трамп томонидан илгари сурилган ва Ғазода узоқ муддатли тинчлик, барқарорлик ва хавфсизликни шакллантириш учун масъулиятни ўз зиммасига олишга тайёр бўлган давлатларни бирлаштиришга қаратилган янги халқаро тузилма – Тинчлик кенгашини тузишдан иборат.

Президент Шавкат Мирзиёев АҚШ Президенти Доналд Трампнинг таклифига биноан 21 январ куни Давос шаҳрида Америка етакчиси ташаббуси билан ташкил этилаётган Тинчлик кенгаши низомини имзолаш маросимида иштирок этиш учун амалий ташриф билан Швейцарияга жўнаб кетди.

Аввалроқ давлат раҳбари кенгашга таъсисчи давлат сифатида қўшилиш таклифини қабул қилган эди.

Ташаббуснинг асосий мақсади Ғазода узоқ муддатли тинчлик, барқарорлик ва хавфсизликни шакллантириш учун масъулиятни ўз зиммасига олишга тайёр бўлган давлатларни бирлаштиришга қаратилган янги халқаро тузилма – Тинчлик кенгашини тузишдан иборат.

Мирзиёев АҚШ президентига йўллаган мактубида ушбу ташаббус Яқин Шарқдаги кўп йиллик можароларни ҳал этиш, кенг минтақада тинчлик ва барқарорликни таъминлаш йўлидаги муҳим қадам сифатида баҳоланаётганини таъкидлади.