Ўзбекистон ташқи савдоси: Хитой, Россия ва Қозоғистон етакчи шериклар

Миллий статистика қўмитасининг дастлабки маълумотларига кўра, 2025 йилда Ўзбекистоннинг ташқи савдо айланмаси 81,2 млрд АҚШ долларини ташкил этди. Бу кўрсаткич ўтган йилга нисбатан 13,9 млрд долларга ёки 20,7 фоизга ошган.

Йил якунларига кўра, ташқи савдо айланмаси таркибида: экспорт — 33,8 млрд доллар (+24 фоиз), импорт — 47,4 млрд доллар (+18,5 фоиз)ни ташкил этган.

Қайд этилишича, Ўзбекистон жаҳоннинг 210 та мамлакати билан савдо алоқаларини амалга оширмоқда.

Ташқи савдода энг юқори улуш қуйидаги мамлакатлар ҳиссасига тўғри келган:

• Хитой — 21,2 фоиз;
• Россия — 16,0 фоиз;
• Қозоғистон — 6,1 фоиз;
• Туркия — 3,7 фоиз;
• Корея Республикаси — 2,1 фоиз.