Қўшимча функционаллар
-
Тунги кўриниш
Инспекция: кўп қаватли уйларда юк кўтарувчи деворларни бузиш қатъий тақиқланади
Қурилиш ва уй-жой коммунал хўжалиги соҳасида назорат қилиш инспекцияси кўп қаватли турар жой уйларида таянч — юк кўтарувчи деворларни бузиш ёки уларга ўзбошимчалик билан аралашиш қонунчиликка кўра қатъий тақиқланишини эслатди.
Инспекция билдиришича, бундай ноқонуний ҳаракатлар биноларнинг сейсмик барқарорлигига жиддий зарар етказиши ва унда яшовчилар ҳаёти ҳамда хавфсизлиги учун бевосита таҳдид туғдириши мумкин.
Қайд этилишича, агар мазкур ҳолат аниқланса, юк кўтарувчи конструкцияларга шикаст етказилгани учун Маъмурий жавобгарлик тўғрисидаги кодекснинг 159-моддасига мувофиқ жисмоний шахсларга — БҲМнинг 50 баробари миқдорида, мансабдор шахсларга — БҲМнинг 100 баробари миқдорида маъмурий жарима қўлланади.
Маълум қилинишича, маъмурий жазодан сўнг ушбу ҳолат бир йил ичида такрорланса, айбдор шахсга нисбатан Жиноят кодексининг 229³-моддаси асосида 3 йилгача ахлоқ тузатиш ишлари ёки 2–3 йилгача озодликни чеклаш ёки 2–3 йилгача озодликдан маҳрум қилиш жазоси қўлланиши мумкин.
Инспекция шу турдаги қонунбузилишларнинг олдини олиш мақсадида назорат тадбирлари кучайтирилган тартибда олиб борилаётганини билдирди. Шунингдек, бундай ҳолатларга гувоҳ бўлган фуқаролар 71-200-69-02 рақамли колл-марказ орқали хабар бериши мумкин.
