SamAutoʼнинг 30 йиллик тарихи: туркиялик инвестор – Anadolu Isuzu билан битимдан кейин завод қандай ўзгарди?

Самарқанд автомобил заводи 30 йиллигини ўзининг фаол трансформацияси босқичида нишонламоқда. Ушбу шонли санага атаб компания ҳужжатли филмни тақдим этди, унда завод босиб ўтган йўл: энг биринчи йиғилган машиналардан то Ўзбекистон тижорат транспорти бозорининг энг йирик қатнашчиси мақомигача акс этган.

SamAuto эволюцион ривожланишининг учта ўн йиллиги

SamAuto брендининг тарихи 30 йил олдин — компания 1996 йилда таъсис этилгандан бошланган. Уч йил ўтгач, илк конвейер ишга туширилди ва мана, 27 йилдан буён завод узлуксиз ишлаб чиқариш циклини амалга ошириб келмоқда. Ушбу давр давомида корхона биринчи бешта базавий моделларни йиғишдан то портфелида 150 дан зиёд модификациядаги техника мавжуд бўлган замонавий автоматлаштирилган комплексни яратишгача бўлган йўлни босиб ўтди.

Бренднинг кўламини рақамлар тасдиқлайди: Ўзбекистондаги ҳар бешта тижорий транспортнинг бири – тез ёрдам автомобили ва ўт ўчириш машинасидан то шаҳар автобуслари ва пикапларгача – SamAuto заводида ишлаб чиқарилган. Ўзбекистонда фойдаланишда бўлган техниканинг умумий парки 60 000 донадан ошади. Ўзлаштирилган компонентлар турларининг сони 10 баробарга – 2 000 номдан 20 000 гача ўсди. Ушбу катта тажриба ва тўпланган ишлаб чиқариш базаси ривожланишнинг жорий босқичи ва Anadolu Isuzu шахсида глобал инвесторни жалб қилиш учун пойдевор бўлди.

Стратегик алянс: Anadolu Group Ўзбекистонга инвестиция киритади

2025 йилнинг декабр ойида корхона тарихида бурилиш нуқтаси бўлди: Туркиянинг Anadolu Isuzu компанияси SamAuto устав капиталидаги 75,2% давлат улушини харид қилди. Битим суммаси 80 млн. АҚШ долларини ташкил қилди инвестор яна шунча суммани заводнинг технологик ривожланишига йўналтириш мажбуриятини зиммасига олди. Акциялар пакетининг қолган қисми тенг улушларда (12,4% дан) кўп йиллик япон ҳамкорлар – Itochu Corporation ва Isuzu Motors Ltd’га тегишли.

“Иқтисодиётнинг эркинлашуви ва жаҳонга кенг очиқлик Ўзбекистон учун қатор тармоқларда, жумладан, автомобил саноатида марказий ҳабга айланиш борасида ажойиб салоҳиятни тақдим этади. Мамлакатда ушбу тармоқ кўп йиллардан буён ривожланиб келади, салмоқли тажриба тўпланган ва инвестор сифатида бозорга кириб боришда айнан SamAuto биз учун идеал номзод бўлди. Стратегик режаларимиз борасида ҳукуматнинг қўллаб-қувватловига эришгач, мен яқин беш йилда Ўзбекистон иқтисодиётини ривожлантиришга салмоқли ҳисса қўша олишимизга умид боғлайман”, - дея қайд этди Anadolu Isuzu бош директори Юсуф Тўғрул Арикан.

Anadolu Group – йиллик айланмаси 16 млрд АҚШ долларидан зиёд, 20 та мамлакатда 100 дан зиёд заводларни бошқарувчи глобал конгломерат тузилмасига кириш SamAuto’ни янги сифат даражасига олиб чиқади. Coca-Cola, Efes ва Migros каби брендлар билан кенг шуҳрат қозонган турк гуруҳи Самарқанд заводини ўзининг халқаро ишлаб чиқариш занжирига интеграциялайди.

Яқин 5 йилда нималар ўзгаради?

SamAuto янги йўл харитаси сотувлар ҳажмини каррасига – 2030 йилга бориб 2,5 баробарга оширишга қаратилган. Асосий драйверлар - муқобил энергия манбаларини жорий этиш ва чуқур маҳаллийлаштириш бўлади.

Электрификация и экологик стандартлар. Йўловчи ташиш сегментида электр тягага ўтиш устувор аҳамият касб этади. Ҳозирда завод катта сиғимли паст полли электробуслар ишлаб чиқармоқда. Шунинг баробарида, муҳандислар суюлтирилган табиий газ (CNG) ва водород технологияси базасида ечимлар устида ҳам ишламоқдаки, бу SamAuto техникасига қатъий халқаро экологик стандартларга мувофиқ келиш имконини беради.

Маҳаллийлаштириш ва нархлар муҳофазаси. Яқин 3–5 йилда маҳаллийлаштиришни кенгайтиришнинг янги босқичи режалаштирилган. Бу маҳсулот таннархини пасайтириш, логистикани соддалаштириш ва якуний истеъмолчи учун нархни валюта тебранишидан муҳофаза қилиш имконини беради.

Сервис марказлари тармоғининг кенгайиши. Экспертлар баҳолашига кўра, битта махсус техниканинг бир кун ишсиз туриши бизнесга ўртача 300 еврога тушади. Бу харажатларни минималлаштириш учун SamAuto лицензияланган сервис марказлари тармоғини кенгайтиради ва эҳтиёт қисмларнинг узлуксиз етказилиши тизимини оптималлаштиради. Бу эса, мижозларга техниканинг ишга чиқишининг максимал коэффициентини ва мамлакатнинг исталган ҳудудида қўллаб-қувватловни кафолатлайди.

Экспорт экспансияси. Туркиялик инвесторнинг тузилмасига кириш SamAuto учун учта қитъадаги 40 дан зиёд мамлакатни қамраб олувчи глобал савдо тармоғи эшикларини очади. Йиллик экспорти ҳажми 200 млн АҚШ долларидан ошадиган (унинг 70 фоизи – Европа Иттифоқи мамлакатларига) Anadolu Isuzu экспертизаси SamAuto’га энг талабчан ва рақобат кучли жаҳон бозорларига чиқишда ёрдам беради.

Кутилаётган ўзгаришлар кўлами ва завод ўн йиллар давомида босиб ўтган йўл SamAuto юбилей ҳужжатли филмига асос бўлди. Самарқанд автомобил заводининг келажаги қандай бунёд этилаётганини томоша қилиш учун ҳавола орқали ўтинг.