“Техпаспорт”ни ҳар 5 йилда янгилаш талаби киритилди

Ўзбекистонда автомототранспорт воситасини рўйхатдан ўтказиш ҳақидаги гувоҳнома энди 5 йил муддатга берилади. Бу – 30 март куни имзоланган ҳукумат қарорида кўзда тутилган.

Маълумот учун, амалдаги “техпаспорт”ларда берилган санаси кўрсатилган, лекин амал қилиш муддати кўрсатилмаган.

Амал қилиш муддати тугаган гувоҳномани янгилаш учун тўлов миқдори алоҳида белгиланадими ёки амалдаги тўлов татбиқ этиладими, бу ҳозирча маълум эмас.

2024 йилда электромобиллар, мотоцикллар ва тиркамалардан бошқа барча автотранспорт воситаларини рўйхатдан ўтказиш ва қайта рўйхатдан ўтказиш тўлови – базавий ҳисоблаш миқдорининг 6,84 баравари деб белгиланган эди (унгача 0,1 баравари бўлган).