Бухорода 5,3 магнитудали зилзила содир бўлди

20 майга ўтар кечаси Ўзбекистон ҳудудида зилзила содир бўлди. Сейсмопрогностик мониторинг Республика маркази маълумотига кўра, ер силкиниши соат 01:40:44 да қайд этилган.

Зилзила эпицентри Бухоро вилоятининг Қоракўл туманида жойлашган бўлиб, магнитудаси 5,3 ни ташкил қилган. Ер силкиниши ўчоғи 10 километр чуқурликда кузатилган.

Зилзила кучи айрим ҳудудларда қуйидагича сезилган:

— Бухоро вилоятида 3-4 балл, эпицентрдан 127 километр узоқликда;
— Навоий вилоятида 2-3 балл, 194 километр узоқликда.