Ўзбекистон миллий жамоаси 21 сентябр куни навбатдаги ўқув-машғулот йиғинини бошлайди.
Йиғин доирасида миллий жамоа 24 сентябр куни Эрон, 1 октябр куни Сурия ҳамда 6 октябр куни Корея Республикасига қарши ўртоқлик учрашувлари ўтказади.
Бош мураббий Фабио Каннаваро томонидан йиғинга қуйидаги футболчилар жалб этилган:
Дарвозабонлар:
Абдувоҳид Неъматов ("Насаф"), Владимир Назаров ("Пахтакор"), Эдем Неманов ("Динамо Самарқанд"), Самандар Муратбаев ("Насаф")
Ҳимоячилар:
Абдуқодир Ҳусанов ("Манчестер Сити", Англия), Нурмуҳаммад Абдуғаниев ("Нефтчи"), Муҳаммадрасул Абдумажидов ("Пахтакор"), Маҳмуджон Маҳамаджонов ("Динамо Махачкала", Россия), Муҳаммад Ҳакимов ("Бунёдкор"), Ҳожиакбар Алижонов ("Пахтакор"), Шерзод Насруллаев ("Пахтакор"), Беҳрузжон Каримов ("Лугано", Швейцария), Ғиёсжон Ризақулов ("Қизилқум"), Жаҳонгир Ўрозов ("Рубин Қозон", Россия)
Яримҳимоячилар:
Умарали Раҳмоналиев ("Сабаҳ", Озарбойжон), Достонбек Ҳамдамов ("Пахтакор"), Акмал Мозговой ("Пахтакор"), Азизжон Ғаниев ("Банияс", БАА), Одилжон Ҳамробеков ("Трактор", Эрон), Аббос Файзуллаев ("Бошоқшеҳир", Туркия), Жасур Жалолиддинов ("Навбаҳор"), Руслан Жиянов ("Навбаҳор"), Сардор Баҳромов ("Насаф"), Шерзод Эсанов ("Бухоро"), Азиз Холмуродов ("ОКМК"), Азизбек Тўлқинбеков ("Бунёдкор"), Беҳруз Ўктамов ("Сурхон"), Диёр Холматов ("Навбаҳор")
Ҳужумчилар:
Элдор Шомуродов ("Бошоқшеҳир", Туркия), Азизбек Амонов ("Динамо"), Ҳусайн Норчаев ("Навбаҳор"), Муҳаммадали Ўринбоев ("Антверпен", Белгия)
Мазкур йиғинга Ўзбекистон олимпия жамоасининг 5 нафар футболчиси жалб қилинган, бироқ улар айни пайтда Японияда бўлиб ўтаётган Осиё ўйинларида иштирок этмоқда.
