Ўзбекистон миллий жамоаси футболчиси Беҳруз Каримов фаолиятини Швейцариянинг “Лугано” клубида давом эттиради. Бу ҳақда Ўзбекистон футбол ассоциацияси хабар берди.
19 ёшли ҳимоячи – июн ойида миллий жамоанинг Жаҳон чемпионатидаги дебютида кўрсатган ўйинлари билан мухлислар ва мутахассислар эътирофига сазовор бўлган эди.
Беҳруз Каримов 2007 йил 7 августда туғилган. Аввалига Odil Junior академиясида таҳсил олган, кейинроқ Тошкентнинг “Олимпик” клубига ўтган. У 2025 йил февралидан бери Термизнинг “Сурхон” клубида тўп тепиб келаётган эди.
1908 йилда шу номдаги шаҳарда асос солинган “Лугано” клуби – Швейцариянинг энг узоқ тарихга эга клубларидан бири. Уч карра мамлакат чемпиони, тўрт карра Швейцария кубоги соҳиби.
Ўтган мавсумни клуб ички чемпионатда 4-ўрин билан якунлаб, УЕФА конференциялар лигасида (Чемпионлар лигаси ва Европа лигасидан кейинги ўринда турувчи мусобақа) иштирок этиш ҳуқуқини қўлга киритган.
