8 август куни Озарбойжон президенти Илҳом Алиев ва АҚШ президенти Доналд Трамп ўртасида телефон орқали мулоқот бўлиб ўтди.
Суҳбатда Вашингтон саммитига бир йил тўлгани муносабати билан Озарбойжон ва Арманистон ўртасидаги тинчлик жараёни муҳокама қилинган. Томонлар узоқ йиллик можарога барҳам берилганини таъкидлаган.
Шунингдек, икки давлат ўртасидаги иқтисодий алоқалар, TRIPP транспорт лойиҳаси ва минтақада транспорт боғлиқлигини кучайтириш масалалари муҳокама қилинган.
Алиев Трампга Вашингтон саммитидаги роли ва Озарбойжонни G20 саммитига таклиф қилгани учун миннатдорлик билдирган. Томонлар Озарбойжон–АҚШ стратегик шериклигини янги босқичга олиб чиқишга келишиб олган.
Эслатиб ўтамиз, 7 август куни президент Шавкат Мирзиёев ҳам Доналд Трамп билан телефон орқали мулоқот қилган эди.
