Биринчи ўринни “шаррос кўз ёши тўкаётган юз” — 😭 эгаллади. У аввалги етакчилар — “қувонч кўз ёшлари билан кулаётган юз” 😂 ва “кулгидан думалаётган юз” 🤣 ни ортда қолдирди.
Алоҳида таъкидланишича, “шаррос кўз ёши тўкаётган юз” эможиси фақат ҳақиқий қайғуни ифодалаш учунгина ишлатилмайди. Ёзишмаларда бу белги кулги, кучли ҳайрат, ноқулайлик, завқланиш ёки ҳис-туйғуларнинг ҳаддан ташқари кўплигини англатиши мумкин. Google тадқиқотчилари ушбу белгининг оммалашиб бораётганини зумерларнинг одатлари билан боғламоқда — бир йил ичида ундан фойдаланиш 37 фоизга ошган.
Ўсмирлар ва зумерлар “қувонч кўз ёшлари билан кулаётган юз” ва “кулгидан думалаётган юз”ни тобора камроқ танламоқда — улар учун бу эможилар ҳаддан ташқари сийқаси чиққан. Тадқиқотчилар бу ўзгаришни ёшларнинг эски эможилар маъносини қайта англаб етаётгани билан изоҳлашади.
Катта авлод вакиллари учун бу белгилар ҳамон самимий кулгини кўрсатишнинг тушунарли усули бўлиб қолаётган бўлса, ёш фойдаланувчилар эса кўпроқ драматик ёки абсурд вариантларни афзал кўришади.
Ўнталикка яна нималар кирди?
😭 — шаррос кўз ёши тўкаётган юз;
🤣 — кулгидан думалаётган юз;
😂 — қувонч кўз ёшлари билан кулаётган юз;
❤️ — қизил юрак;
🙏 — туташган кафтлар;
😘 — бўса юбораётган юз;
🥰 — юракчалар билан табассум қилаётган юз;
👍 — бош бармоқ юқорига;
😍 — кўзлари юракча бўлган юз;
😁 — кўзлари ёпиқ ҳолда тиржаяётган юз.
Google’нинг таъкидлашича, эможилар ёрдамида мулоқот қилишнинг усуллари ҳам ўзгармоқда: одатий белгилар янги маъноларга эга бўлмоқда, эскилари эса аста-секин замонавий интернет маданиятига яхшироқ мос келадиганларига ўз ўрнини бўшатиб бермоқда.
