Meduza нашри маъно ва контекстни тўлиқ сақлаган ҳолда унинг сўзларидан қисқа иқтибослар келтирди.
«Россия Давлат Думасига сайловлардан бироз олдин Украина музокараларга қайтишга тайёрлигини маълум қилди. Россия сайловлардан кейин алоқаларни тиклашга тайёр эди. Аммо овоз беришнинг асосий кунида Киев Москвага ҳужум қилди, 1600 дан ортиқ дрон учирди ва сайлов участкаларига зарба берди. Бунга жавобан нима қилишимиз кераклигини ҳали ўйлаб кўрамиз. Музокараларни қайта тиклаш бўйича қарорларни ўз манфаатларимиздан келиб чиққан ҳолда қабул қиламиз».
«Украина Россиянинг жавоб зарбаларини ҳис қилиши керак, улар шунчалик ҳалокатлики, Украина сулҳ масаласини кўтармоқда ва Россиянинг «Герань» дронлари билан зарбаларини тўхтатишга ҳаракат қилмоқда. Киевнинг провокацион ҳаракатлари Украина учун вазиятни фақат ёмонлаштиради».
«Россия Европа билан ҳарбий ҳаракатларга тайёрланмаяпти, бундай режа йўқ. Европа давлатлари вазиятни бўрттириб, провокациялар билан шуғулланмоқда, улар Украинадан Россияга қарши кураш воситаси сифатида фойдаланишда давом этмоқчи».
«Биз Болтиқбўйи мамлакатларида русийзабонларнинг ҳуқуқлари бузилаётганидан хабардормиз ва бунга гуманитар йўл билан муносабат билдирамиз».
