Мбаппенинг жароҳати Зиданнинг дебютини бузди, Хвича пеналтини уролмади

У шу тиззасидаги жароҳат туфайли ўтган мавсумда икки ойдан ошиқроқ вақтни ўтказиб юборганди.

Ўйин охирида эса турклар дарвозабони жарима майдони ташқарисида қўл билан ўйнагани учун майдондан четлатилди ва Франция ғалабали ҳисобни сақлаб қолди. Зидан Эме Жаке давридан буён (1994) «учранглилар» бошқарувидаги дебют ўйинида ғалаба қозонган илк мураббий бўлди. Винченцо Монтеллада эса вазият ёмон: италиялик мутахассис сўнгги тўрт ўйинидан учтасида ютқазди.

Кейинги турда Туркия яна уйда Италия билан ўйнайди, Франция эса Белгия майдонига сафар қилади. Турклар ва французларнинг навбатдаги учрашуви ноябр ойи охирида Парижда ўтказилиши режалаштирилган.

Ван Боммел Манчинидан устун келди

Италия – Белгия 0:2
Голлар: Годтс, 20 (0:1). Лукебакио, 69 (0:2)
Италия: Доннарумма, Коппола (Скалвини, 65), Манчини, Калафиори, Ди Лоренцо, Романо (Фраттези, 65), Тонали, Барелла (Думбия, 80), Камбияги (Зома, 80), Кин, Эспозито (Малдини, 65)
Белгия: Ламменс, Меҳеле, Нгой, Де Кюйпер, Кастан, Тилеманс, Раскин (Лавиа, 74), Де Брюйне (Ванакен, 58), Годтс (Лукаку, 83), Морейра (Лукебакио, 58), Де Кетеларе (Фернандес-Пардо, 83)
Огоҳлантиришлар: Манчини, 63. Малдини, 90. Доннарумма, 90 – Раскин, 25. Морейра, 29. Лавиа, 80. Фернандес-Пардо, 89. Лукаку, 90

Роберто Манчини Италия миллий жамоаси бош мураббийлигига қайтганидан кейинги илк ўйинида муваффақиятсизликка учради. Марк ван Боммел эса ўз дебютида белгиялик мухлисларни хурсанд қилди.

Агар Доннарумма бўлмаганида италянлар йирик ҳисобда ютқазиши мумкин эди, лекин у ҳам биринчи бўлим ўрталарида уч ҳимоячини чалғитиб, зарба берган Мика Годтснинг зарбаси қаршисида ҳеч нарса қила олмади. «ПСЖ»нинг 21 ёшли яримҳимоячиси бўлим охирида дублни расмийлаштириши мумкин эди, аммо дарвозабон бу сафар қутқарди.

Италияликлар эса ҳар икки бўлим бошида биттадан қулай вазиятни йўққа чиқарди: биринчи бўлимда Франческо Эспозитонинг зарбасидан кейин тўп устунга борди, иккинчи бўлим стартида эса Мойзе Киннинг зарбасидан кейин тўп дарвозабон Сенне Ламменсдан ўтмади.

69-дақиқада эса Доди Лукебакио бемалол жарима майдонига кириб келиб, олис бурчакни аниқ нишонга олди ва якуний ҳисобни ўрнатди.

Ўйин охири Доннарумма ва Ромелу Лукаку ўртасидаги тортишув билан ёдда қолди, ҳакам икки футболчини ҳам сариқ карточка билан жазолади.

Кейинги турни Белгия уйда Францияга қарши ўтказади, Италия Туркияда меҳмон бўлади. Ноябр ўрталарида эса сўнгги тур доирасида Белгия ўз майдонида италянларни қабул қилади.

В лигаси. 2-гуруҳ

Гуржистонда омадсиз старт

Гуржистон – Шимолий Ирландия 0:1
Гол: Ш. Чарлз, 90+9 (0:1)
Аниқ ижро этилмаган пеналти: Кварацхелия, 65’
Гуржистон: Мамардашвили, Двали, Лочошвили (Бериашвили, 85), Гогличидзе (Табидзе, 85), Кочорашвили, Меквабишвили (Китеишвили, 77), Харебашвили (Чакветадзе, 46), Какабадзе, Квернадзе (Давиташвили, 77), Микаутадзе, Кварацхелия
Шимолий Ирландия: П. Чарлз, Баллард (Макнэйр, 90+5), Браун (Макконвилл, 72), Атчесон (О`Нилл, 86), Гэлбрейт, Ш. Чарлз, Девенни, Ҳюм, Прайс, Келли (Спенсер, 73), Донли (Магеннис, 73)
Огоҳлантиришлар: Кварацхелия, 90 – Баллард, 64. Браун, 67. Девенни, 90

Гуржистон ўз майдонида Шимолий Ирландияга драматик тарзда ютқазди (0:1). Ҳолбуки, иккинчи бўлим ўрталарида мезбонлар ҳисобда олдинга чиқиб олиши мумкин бўлганди, аммо жамоа етакчиси Хвича Кварацхелия пеналтидан фойдалана олмади ва тўпни тўғри дарвозабон Пирс Чарлз турган жойга йўллади. 90+9-дақиқада эса Ши Чарлз Трэй Ҳюмнинг қанотдан узатмасидан кейин ғалаба голини урди.

Кейинги турни икки жамоа ҳам уйда ўтказади: Гуржистон – Украина, Шимолий Ирландия – Венгрия билан ўйнайди. 5 октябр куни тўртинчи тур доирасида шимолий ирландияликлар ва грузинлар Белфастда яна тўқнашади.

Венгрия – Украина 0:1
Гол: Сикан, 42 (0:1)
Венгрия: Б. Тот, Чингер (Сюч, 84), Орбан, Керкез, Болла, Ченвай (Р. Тот, 66), Шефер, Виталиш (Баран, 46), Собослаи, Лукач (М. Тот, 46), Редзич (Юрек, 62)
Украина: Ризник, Забарний, Матвиенко, Миколенко, Крупский (Бондар, 59), Бражко (Назарина, 46), Судаков (Драмбаев, 90+1), Очеретко, Ванат (Назаренко, 59), Циганков, Сикан (Краснопир, 66)
Огоҳлантиришлар: Шефер, 5. Баран, 82. Собослаи, 90. Керкез, 90 – Бражко, 21. Крупский, 49. Назаренко, 71. Циганков, 90. Матвиенко, 90
Четлатиш: Назаренко, 90 (иккинчи сариқ)

Венгрия уйда Украинага ютқазди (0:1). Венгрлар биринчи бўлимда кучли босим уюштиришди ва икки тўп фарқи билан олдинга чиқиб олиши мумкин эди: аммо Даниэл Лукачнинг зарбасидан кейин тўп тўсинга борди, Бендегуз Болла дарвозабон ҳудудида туриб тўпни юқорига тепиб юборди. Украинлар эса Даниил Сиканнинг бошда йўллаган аниқ зарбаси билан жавоб қайтарди. Ўйин охирида майдонда тўқнашув рўй берди, тўрт футболчи сариқ карточка олди, Александр Назаренко иккинчи сариқ туфайли майдонни эрта тарк этди.

Аммо украинлар ғалабали ҳисобни сақлаб қолишди.

Кейинги турда икки жамоа ҳам сафарда ўйнайди: Украина – Гуржистон билан, Венгрия – Шимолий Ирландияга қарши. Венгрлар ва украинлар тўртинчи турда – 5 октябр куни яна ўзаро тўқнашади.

В лигаси. 4-гуруҳ

Швед тўпурарлари ўзини кўрсатди

Швеция – Руминия 2:1
Голлар: Исак, 20 (1:0). Ман, 29 (1:1). Йокереш, 43 (2:1)
Швеция: Йоҳанссон, Линделёф, Старфелт (Свенссон, 63), Струд, Ҳолм (Экдал, 63), Бергвалл, Айяри, Нанаси (Гудмундссон, 84), Бернҳардссон (Волемарк, 77), Исак, Йокереш (Нюгрен, 76)
Руминия: Раду, Дрэгушин, Гицэ, Кубиш, Бэлуцэ (Скречу, 49), Марин (Станчу, 81), Банку, Рацю, Ҳажи (Михэйлэ, 67), Мунтяну (Тэнасе, 67), Ман (Драгомир, 89)
Огоҳлантиришлар: Марин, 37. Гицэ, 45. Скречу, 83. Ман, 86. Кубиш, 90

Швеция ўз майдонида Руминия устидан 2:1 ҳисобида ғалаба қозонди. Меҳмонлар ўйинни фаол бошлаганди, аммо ҳисобни қарши ҳужумда Александер Исак очди. Руминия тезда мувозанатни тиклади: Деннис Ман прессинг қилиб, тўпни Виктор Линделёфдан олиб қўйди ва ўзи дарвозани ишғол қилди. Аммо бўлим якунида шведлар яна ҳисобда олдинга чиқиб олишди – Виктор Йокереш қайтган тўпни дарвозага киритиб юборди. Бу «Арсенал» ҳужумчисининг жорий мавсумдаги илк голи бўлди.

Иккинчи бўлимда Эллиот Струд мезбонларнинг учинчи голини урди, аммо ҳужум давомида Исак тўпни қўли билан ўйнагани маълум бўлди ва супергол ҳисобга олинмади. Шведлар якунда қаторасига учинчи марта руминлардан устун келди – жамоалар Евро-2020 саралашида ҳам икки бор тўқнаш келишганди.

5 октябр куни тўртинчи турда Руминия ва Швеция яна бир бор учрашади.

Полша – Босния ва Ҳерцеговина 0:0
Полша: Булка, Беднарек, Потулски, Кивёр (Новак, 46), Кэш, Слиш (Франковски, 46), Зелински, Камински (Залевски, 24), Скурас (Свидерски, 73), Шимански, Левандовски (Жуковски, 87)
Босния ва Ҳерцеговина: Зломислич, Муҳаремович, Катич, Колашинац, Смайлович (Мемич, 46), Башич, Шунич (Таҳирович, 66), Алайбегович (Гигович, 90+1), Байрактаревич, Демирович (Махмич, 78), Табакович (Лукич, 90+1)
Огоҳлантиришлар: Кивёр, 19. Беднарек, 82. Кэш, 86 – Алайбегович, 32. Смайлович, 38. Шунич, 47. Колашинац, 81. Мемич, 89

Польша ўз уйида Босния ва Ҳерцеговина дарвозасига йўл тополмади – ўйинда голли вазиятлар деярли рўй бермади. Боснияликлар ўйин охирида бурчак зарбасидан кейин гол уришганди, аммо ҳужум вақтида Харис Табакович дарвозабонга ҳужум қилган деб топилди ва гол инобатга олинмади. Роберт Левандовски шу куни миллий жамоа сафидаги 168-ўйинини ўтказди, аммо майдонни голсиз тарк этди.

Душанба куни поляклар Швецияга сафар қилади, боснияликлар – Руминияга. Полша ва Босниянинг навбатдаги ўзаро учрашуви 5 октябр куни бўлиб ўтади.

С лигаси. 2-гуруҳ

Арманистон – Латвия 2:0
Голлар: Арутюнян, 31 (1:0). Гарибян, 75 (2:0)
Арманистон: Чанчаревич, Пилоян, Арутюнян (Симонян, 82), Хулио (Петросян, 46), Тикнизян, Бандикян, Иву, Сперцян, Оганесян, Серобян (Севикян, 82), Шагоян, Миранян (Гарибян, 69)
Латвия: Матревицс, Черномордий (Патийчук, 87), Киркин, Мелник, Вапне, Зеленков, Циганик, Юрковскис (Тонишев, 58), Стродс (Виентиесс, 68), Дашкевич (Улдрикис, 68), Гутковский (Алексанян, 87)
Огоҳлантириш: Серобян, 62

Арманистон уйда Латвияга жавобсиз икки гол уриб, ғалаба қозонди: 31-дақиқада Георгий Арутюнян Эдуард Сперцяннинг узатмасини голга айлантирди, 75-дақиқада 20 ёшли форвард Артур Гарибян якуний ҳисобни ўрнатди.

Ушбу жамоалар 15 ноябр куни сўнгги тур доирасида Ригада яна бир бор куч синашади.

Черногория – Кипр 2:1
Голлар: Эдвардс, 55 (0:1). Крстович, 66 – пеналти (1:1). Осмайич, 86 (2:1)
Черногория: Попович, Вуячич, Савич, Гашевич (Вешович, 60), Роганович, Янкович (Брнович, 89), Булатович, Аджич (Вукович, 71), Осмаич, Крстович (Лончар, 89), Йоветич (Вукотич, 59)
Кипр: Фабиану, Панайоту (Неофиту, 90+1), Сотириу, Малеккидес, Шиккис (Царулла, 46), Киприану, Андреу (Кономис, 71), Кастанос, Ционис (Георгиу, 71), Эдвардс (Лоизу, 70), Питтас
Огоҳлантиришлар: Вуячич, 68 – Сотириу, 2. Кастанос, 46. Царулла, 65

Черногория Кипр билан ўйинда ғалабани илиб кетди. Таркибда 36 ёшли Стеван Йоветич ҳаракатланган мезбонлар биринчи бўлимда кучли босим уюштиришди, аммо гол ура олишмади. Танаффусдан кейин эса «Бёрнли» аъзоси, Кипр сафида илк ўйинини ўтказган инглиз футболчиси Маркус Эдвардсдан гол ўтказиб юборишди.

Кўп ўтмай Никола Крстович пеналтидан ҳисобни тенглаштирди, 86-дақиқада эса унинг ассистидан кейин Милутин Осмайич ғалаба голини урди.

Кейинги турда черногорияликлар Арманистонга сафар қилади, кипрликлар Латвияда меҳмон бўлади. Кипр ва Черногориянинг навбатдаги ўзаро учрашуви 15 ноябрга белгиланган.