Париж автосалонида ихчам Hyundai Bayon кроссоверининг бутунлай янги версияси дебют қилди. Жанубий Корея бренди вакилларининг маълум қилишича, модел ташқи ва техник жиҳатдан сезиларли даражада янгиланган.
Асосий ўзгариш — радикал қайта дизайн бўлиб, у автомобилни йўлда янада кўзга ташланадиган қилишга қаратилган. Услуб асосини Tucson моделининг сўнгги авлодидан таниш бўлган Art of Steel концепцияси ташкил этади. Бу характерли деталларда яққол кўринади: «хоккей клюшкаси» шаклидаги кундузги чироқлар, капотнинг кўтарилган чизиғи, ғилдирак аркаларининг массив кенгайтиргичлари. Модел номи энди юкхона қопқоғида, Hyundai эмблемаси остида йирик ҳарфлар билан ёзилган.
Bayon учун илк бор N Line комплектацияси тақдим этилди: у 18 дюймли ғилдираклар, қўшалоқ тутун қувурлари, салонда эса қизил чокли безаклар ва металл педалларни ўз ичига олади.
Экстерьердаги ўзгаришлар ҳисобига кроссовер аввалгисидан визуал жиҳатдан каттароқ кўринади. Кенглик ҳисси техник жиҳатдан ҳам мустаҳкамланган: ғилдираклар базаси 20 мм га узайтирилиб, 2600 мм га етказилган.
Мавжуд опциялар қаторида 12,3 дюймли иккита экран, доиравий кўриш камералари, вентиляцияли ўриндиқлар ва панорамали том мавжуд. Шунингдек, Digital Key 2 тизими (смартфон орқали автомобилни очиш ва ишга тушириш) ҳамда Bose аудиотизими таклиф этилади. Шу билан бирга, салондаги консолда анъанавий физик тугмалар блоки қолдирилган.
Bayon двигатели 6 босқичли «механик» ёки 7 босқичли «робот» билан таъминланган 89 от кучига эга 1,0 литрли тўрт цилиндрли базавий T–GDI турбомоторидан иборат.
Янгиланган Bayon 2027 йил бошида Европадаги Hyundai дилерларига етказиб берилади.
