Bugatti компанияси La Maison Pur Sang дастури доирасида ноёб Veyron Grand Sport Vitesse гиперкарини қайта тиклади. Бу нусха кузовининг ноодатий безаги билан ажралиб туради.
Анъанавий бўёқ ўрнига Bugatti юзаси кўзгудек силлиқланган алюминийдан фойдаланди. Кузов қисмларини тайёрлаш учун компания оғирлиги 20 тоннагача бўлган алюминий хомашёларидан фойдаланди.
Алвон рангли чарм билан қопланган салон родстернинг ташқи кўринишини тўлдириб туради. Безакда углерод толали очиқ элементлар ва қўл меҳнати билан яратилган деталлардан ҳам фойдаланилган.
Ишлаб чиқарилганидан ўн йилдан кўпроқ вақт ўтгач, автомобил Bugatti тарихий моделларини реставрация қилиш ва сақлаб қолишга қаратилган La Maison Pur Sang дастурида иштирок этиш учун заводга қайтди. Мутахассислар автомобилнинг ҳақиқийлигини текширди, зарур тиклаш ишларини олиб борди ва дастлабки ҳолатига қайтарди.
Ишлар якунлангач, Veyron гиперкари махсус сертификатни олди ва Франция Риверасидаги янги эгасининг коллекциясига йўл олди. Мутахассислар уни камида 3 миллион долларга баҳоламоқда.
Компания янги харидорнинг исмини расман ошкор қилмади. Бироқ Монако кўчаларида ушбу ғайриоддий Veyron рулида Формула-1 пойгаларининг икки карра чемпиони Фернандо Алонсони кўришган.
