CAU 25 та мамлакатдан келган 500 нафардан ортиқ бўлажак шифокор ва дунёнинг етакчи экспертларини иккита халқаро тиббиёт тадбирида бирлаштирди
|17:002019 мин
Реклама
Central Asian University «Келажак тиббиёти — 2026» III Халқаро тиббиёт олимпиадаси ва «Миллат саломатлиги — 2026» конференциясини ўтказди. Олимпиадада CAU жамоаси ғолиб бўлди, конференцияда эса Johns Hopkins University профессори, FDA собиқ комиссари Марти Макари ҳамда Cleveland Clinic экспертлари маърузалар билан иштирок этди.
2026 йил 29 октябрдан 1 ноябрга қадар Тошкент бўлажак шифокорлар ва жаҳон тиббиёт ҳамжамиятининг етакчи вакиллари учрашадиган масканга айланди. Central Asian University (CAU) 25 та мамлакатдан 500 нафардан ортиқ тиббиёт талабасини жамлаган «Келажак тиббиёти — 2026» III Халқаро олимпиадаси ҳамда соғлиқни сақлаш, тиббий таълим ва клиник амалиёт истиқболларига бағишланган «Миллат саломатлиги — 2026» халқаро конференциясини ташкил этди.
Дастурда Буюк Британия, Италия, Швейцария, Хитой, Ҳиндистон, Туркия, Покистон, Малайзия ва Марказий Осиё мамлакатлари университетлари вакиллари иштирок этди. Ушбу икки халқаро тадбирни умумий мақсад — бўлажак шифокорларнинг амалий салоҳиятини ривожлантириш, илғор тиббий тажриба алмашиш ва халқаро профессионал ҳамкорликни кенгайтириш бирлаштирди.
«Келажак тиббиёти — 2026» III Халқаро тиббиёт олимпиадаси 100 дан ортиқ талабалар жамоасини бирлаштирди. Иштирокчилар ҳақиқий шифокорлик фаолиятига имкон қадар яқинлаштирилган шароитларда ўз билимлари, клиник тафаккури ва амалий кўникмаларини намойиш этди.
Иштирокчилар ички касалликлар, жарроҳлик, шошилинч тиббий ёрдам, гинекология ва педиатрия йўналишларини қамраб олган бешта клиник босқичдан ўтди. Талабалар жароҳатларда ультратовуш диагностикасини ўтказиш, лапароскопик жарроҳлик, трахея интубацияси, гинекологик кўрик ҳамда янги туғилган чақалоқларга ёрдам кўрсатиш бўйича кўникмаларини намойиш этди.
Топшириқлар тиббий муолажаларни аниқ бажариш, тезкор қарор қабул қилиш ва мураккаб клиник вазиятларда тўғри ҳаракат қила олиш маҳоратини талаб этди.
Мавзуга оид
1 ноябр куни ўтказилган тиббий викторина якуний синов бўлиб, унда жамоалар билимларининг чуқурлиги, фикрлаш тезлиги ва ҳамжиҳатликда ечим топиш қобилияти бўйича беллашди.
Халқаро олимпиада натижаларига кўра, совринли ўринлар қуйидагича тақсимланди:
1-ўрин — CAU Squad (Ўзбекистон), Central Asian University.
2-ўрин — The Robots (Россия), И. М. Сеченов номидаги Биринчи Москва давлат тиббиёт университети.
3-ўрин — Edinburgers (Буюк Британия), The University of Edinburgh.
Олимпиада финали ёрқин ҳис-туйғулар, ҳаяжон ва ғалаба қувончига тўла муҳитда ўтди. Тантанали тақдирлаш маросими дунёнинг турли мамлакатларидан келган иқтидорли бўлажак шифокорларни бирлаштирган тўрт кунлик беллашувларнинг энг юқори нуқтаси бўлди.
CAU жамоасининг ғалабаси тадбирнинг асосий натижаларидан бири бўлиб, университет талабаларининг халқаро академик майдондаги рақобатбардошлигини намоён этди.
«Миллат саломатлиги — 2026»: жаҳон экспертлари тиббиёт келажаги ҳақида
31 октябр куни «Central Asian Expo» кўргазмалар марказида «Шифокор йўли: таълим, мукаммаллик, инновациялар» (The Physician’s Journey: Education, Excellence, Innovation) мавзусида «Миллат саломатлиги — 2026» халқаро конференцияси бўлиб ўтди.
Конференция замонавий тиббиётдаги асосий ўзгаришларни муҳокама қилиш мақсадида халқаро мутахассислар, тиббиёт муассасалари раҳбарлари, тадқиқотчилар ва академик ҳамжамият вакилларини бирлаштирди.
Илмий кашфиётлар, ташхис қўйиш ва даволашда сунъий интеллектдан фойдаланиш, бирламчи тиббий ёрдамни трансформация қилиш, шифокорларни тайёрлашга янги ёндашувлар ҳамда клиник амалиёт сифатини ошириш масалалари эътибор марказида бўлди.
Johns Hopkins University жарроҳлик профессори ҳамда АҚШ Озиқ-овқат ва дори-дармонлар сифатини назорат қилиш бошқармасининг (FDA) собиқ комиссари доктор Марти Макари асосий маърузачилардан бири сифатида иштирок этди.
У ўзининг «Тиббиётнинг янги уфқлари: сўнгги илмий кашфиётлар ва қадимий табобат санъати» номли маърузасида тиббиёт фанининг жадал ривожланиши, янги технологик имкониятлар ва шифокорлик касбининг фундаментал тамойилларини сақлаб қолиш зарурлиги ҳақида сўз юритди.
Конференцияда бирламчи тиббий ёрдамнинг келажагига ҳам алоҳида эътибор қаратилди. Шифокор, тадбиркор ҳамда 2,1 миллиард долларга сотиб олиниб, кейинчалик Amazon экотизими таркибига кирган Iora Health тиббиёт компанияси ҳаммуассиси Рушика Фернандопулле соғлиқни сақлаш соҳасини трансформация қилиш ва беморларга йўналтирилган тиббий ёрдамнинг янги моделларини яратиш борасидаги тажрибаси билан ўртоқлашди.
Конференцияда, шунингдек, Япония ва Россиядан келган тиббиёт мутахассислари ҳам иштирок этиб, соғлиқни сақлашни ривожлантириш бўйича халқаро тажрибани тақдим этди.
Ўзбекистонда амалга оширилаётган кенг кўламли тиббий лойиҳалар муҳокамаси дастурнинг алоҳида қисмини ташкил этди.
CAU Hospital бош директори Зулфия Обидова бўлажак клиника концепциясини тақдим этди ва Cleveland Clinic Connected халқаро дастури доирасида Cleveland Clinic билан йўлга қўйилган ҳамкорлик ҳақида сўзлаб берди.
Халқаро сифат стандартлари, беморлар хавфсизлиги, тиббий таълим ва илмий тадқиқотлар ягона клиник амалиётга уйғунлашган тизимни яратишга алоҳида эътибор қаратилди. CAU Hospital шифокорларни тайёрлаш, резидентурани ривожлантириш, илмий тадқиқотлар ўтказиш ва замонавий даволаш усулларини жорий этиш учун клиник базага айланади.
Лойиҳанинг узоқ муддатли мақсади — илғор клиник тажриба марказини шакллантириш ҳамда беморларга мураккаб ихтисослаштирилган ёрдамни бевосита Ўзбекистоннинг ўзида олиш имконини берадиган тиббий салоҳиятни ривожлантиришдан иборат.
Social by AKFA бош директори ва CAU Тиббиёт мактаби декани Муродбек Аҳроров оммабоп амбулатор ва диагностик тиббий ёрдамнинг янги модели — Social by AKFA лойиҳасини тақдим этди.
Лойиҳа беморлар учун замонавий муҳит яратишга қаратилган. Унда рақамли технологиялар, пухта ўйланган йўналтириш тизими ва тиббий жараёнларни самарали ташкил этиш беморга дастлабки маслаҳатдан тортиб, ташхис қўйиш ва кейинги кузатувгача бўлган барча босқичлардан қулай ҳамда изчил ўтиш имконини беради.
Social by AKFA лойиҳасининг ўзига хос жиҳати — уни ишга туширишга тадқиқот нуқтаи назаридан ёндашилганидир. Жамоа тиббиёт маркази очилишидан аввалроқ CAU билан ҳамкорликда клиник симуляциялар ўтказиб, беморлар ҳаракати йўналишларини синовдан ўтказмоқда, шунингдек, шифокорлар тайёргарлиги ва операцион жараёнлар самарадорлигини баҳоламоқда.
Халқаро олимпиада ва конференциянинг ўтказилиши Central Asian University’нинг тиббий таълимни ривожлантириш ва халқаро академик ҳамкорликни кенгайтириш бўйича узоқ муддатли стратегиясини акс эттиради.
Университет таълим ва клиник инфратузилмага изчил сармоя киритмоқда, симуляцион таълим, резидентура дастурлари, илмий тадқиқотлар ҳамда етакчи халқаро тиббиёт ташкилотлари билан ҳамкорликни ривожлантирмоқда.
25 та мамлакатдан келган талабалар ва дунёнинг етакчи экспертлари иштироки, шунингдек, амалий беллашувларнинг юқори савияси Ўзбекистоннинг тиббий билимлар алмашиш ва мутахассислар тайёрлаш бўйича халқаро майдон сифатидаги имкониятлари тобора ортиб бораётганини намоён этади.
CAU учун бундай ташаббуслар бўлажак шифокорлар халқаро тажриба, илғор технологиялар ва касбий ривожланишнинг янги имкониятларидан фойдалана оладиган замонавий тиббий муҳитни шакллантиришнинг бир қисмига айланмоқда.
Central Asian University (CAU) ҳақида
2019 йилда Ўзбекистонда ташкил этилган Central Asian University мамлакатдаги энг жадал ривожланаётган хусусий университетлардан бири ҳисобланади. У тиббиёт, стоматология, бизнес, архитектура ва дизайн, муҳандислик, туризм ва меҳмонхона иши ҳамда талаб юқори бўлган бошқа йўналишларда халқаро таълим дастурларини таклиф этади. Замонавий кампус, халқаро тажрибага эга ўқитувчилар ва амалий таълимга қаратилган эътибор CAUʼни бутун дунё талабалари учун жозибадор танловга айлантиради.
Central Asian University Round University Ranking 2025 жаҳон рейтингида топ-1000 таликдан жой олган, THE Impact Rankings 2025 рейтингида илк бор қайд этилган. Шунингдек, AD Scientific Index маълумотларига кўра, 2025 йилда Ўзбекистоннинг биринчи рақамли ёш нодавлат университети деб топилган. Бундан ташқари, CAU QS Stars халқаро рейтингида 4 юлдузли баҳога сазовор бўлиб, Ўзбекистонда бундай эътирофга эришган ягона хусусий университетга айланган. 2025 йил якунларига кўра, Central Asian University (CAU) Science and Innovation Awards талқини бўйича энг яхши нодавлат олий таълим муассасаси деб топилган. Шунингдек, Central Asian University QS Asia University Rankings 2027 рейтингига кўра, Марказий Осиёнинг ТОП-70 университети қаторидан жой олган.
CAU стратегик халқаро ҳамкорликни фаол ривожлантириб, Германия, Швейцария, АҚШ ҳамда бошқа мамлакатлар университетлари билан қўшма академик ва илмий-тадқиқот лойиҳаларини амалга оширмоқда. Инновацион таълим модели ҳамда глобал ҳамкорликка йўналтирилганлиги туфайли университет минтақанинг олий таълим соҳасидаги етакчи муассасаларидан бири сифатида ўз мавқеини мустаҳкамлаб бормоқда.
