Eng mashhur milliarder, komikslardagi Toni Starkning real hayotdagi aksi hamda “Bill Geyts va Stiv Jobsning munosib izdoshi” - Ilon Mask 45 yoshga to‘ldi.
Mask - PayPal va SpaceX kompaniyalarining asoschisi, Tesla Motors bosh direktori, SolarCity direktorlar kengashi a'zosi va Forbes ro‘yxatiga kiritilgan milliarder. Afrikada tavallud topgan Mask Amerikaga ko‘chib o‘tishga va o‘z orzusini amalga oshirishga muvaffaq bo‘lgan: uning sharofati bilan ilm-fanning mavqei yanada ko‘tarildi, odamlar ekologik elektrokarlarga ishonishdi, shu bilan birga ultratovushli poyezdlarda sayohat qilishga tayyorgarlik ko‘rishmoqda.
Ilon Mask
Kenja Robert Daunining ta'kidlashicha, “daho, milliarder va xayriyaparvar” obrazi qisman Maskdan ko‘chirilgan. Bundan tashqari, aktyor Maskni “Temir odam 2”da ko‘rinish berishga ko‘ndirgan.
Tesla Motors rahbari Ilon Mask Tesla Model X taqdimotida
Tesla Roadster’ning ilk yo‘lovchilaridan biri mashhur aktyor va o‘sha paytlardagi Kaliforniya gubernatori - Arnold Shvartsnegger
AQSh prezidenti Barak Obama va Ilon Mask
Ilon Mask o‘z ish faoliyatini 12 yoshidanoq boshlagan – dasturlashga ikki yil o‘qib, u Blast Star o‘yinini chiqardi hamda uni 500 dollarga sotishga muvaffaq bo‘ldi
Ilon Mask SpaceX kompaniyasida jurnalistlarga Dragon V2 kosmik kemasini namoyish qilmoqda
Ilon Maskning besh nafar o‘g‘li bo‘lib, u o‘z farzandlari uchun shaxsiy maktabini ochgan. U sinflarga ajratilmaydi – bolalar yoshlaridan emas, imkoniyatlaridan kelib chiqib, turli fanlarni o‘rganishadi. Maskning fikricha, an'anaviy maktablarda ta'lim berish prinsipi noto‘g‘ri yo‘lga qo‘yilgan, o‘zining shaxsiy ta'lim muassasasida esa bolalar faqatgina ta'tillarning haddan ziyod uzunligidan shikoyat qilishadi.
So‘nggi 12 yil ichida Ilon Mask ikki martagina ta'tilga chiqqan. Uning so‘zlariga ko‘ra, dam olishga haqqi yo‘q, zero uning biznesi doimiy nazorat ostida bo‘lishi kerak. Maskning taqvimida SpaceX va Tesla kompaniyalaridagi ishchi kunlari aniq yozilgan (bu ikki kompaniya boshqa-boshqa shaharlarda joylashgan), dam olish kunlari degan joyida esa hamisha “oila” deb yozilgan bo‘ladi.
Bosh ijrochi direktor Piter Til va PayPal asoschisi Ilon Mask kompaniyaning Palo-Altodagi shtab-kvartirasida, 2000 yil
Ilon Mask SpaceX kompaniyasida jurnalistlarga Dragon V2 kosmik kemasini namoyish qilmoqda, 2014 yil
Maskning rejalarida - Marsni mustamlaka qilish, sayyoraning har bir aholisini Tesla ekologik elektrokari bilan ta'minlash va Yerni “yovuz” texnologiyalardan qutqarish – 2015 yilning yanvar oyida u sun'iy intellektni nazorat qilishga doir tadqiqot uchun 10 million dollar ajratgan. Milliarder orada “Simpsonlar”dagi o‘z personajiga ovoz berishga ham ulguradi.
