Shanxayda samolyot ko‘prikka quladi

Shanxaydagi ko‘prikka gidrosamolyot quladi. Bu haqida Xitoy Xalqaro radiosi  (CRI) ma'lum qildi. 

Manbaga ko‘ra, baxtsiz hodisa shahardagi sohillardan birida sodir bo‘lgan. Bu taxminan 4,5 million dollar qiymatga ega gidrosamolyotning ilk parvozi bo‘lgan. 

Samolyot bortida 10 kishi bo‘lgan – 2 nafar uchuvchi va 8 nafar yo‘lovchi. 4 kishi qutqarildi, qolganlarni qidirish ishlari davom etmoqda. Ma'lumotlarga ko‘ra, samolyotning qulashiga texnik nosozliklar sabab bo‘lgan.

Xitoy Markaziy televideniyesining (CCTV) xabar berishicha, baxtsiz hodisa mahalliy vaqt bilan soat 12:15da, parvozdan 10 daqiqa o‘tgach sodir bo‘lgan. Samolyot Tszinshandan Chjoushan shahriga uchayotgan bo‘lgan.