Janubiy Qozog‘iston viloyatidagi neft bazasida sodir bo‘lgan yong‘inni o‘chirishga 100 nafar kishi jalb qilindi. Bu haqida Qozog‘iston IIV Favqulodda vaziyatlar qo‘mitasining rasmiy vakili Ruslan Imonqulov ma'lum qilgan.
“Dastlabki ma'lumotlarga ko‘ra, Janubiy Qozog‘istondagi “Munay” neft bazasida 8ta yoqilg‘i sisternasi hamda nasos urish bekatida chiqqan yong‘inni o‘chirish ishlari amalga oshirilmoqda”, - deya mu'lum qildi Imonqulov.
Uning so‘zlariga ko‘ra, “o‘chirish ishlariga 100 nafar yong‘in xavfsizligi xodimi va 20ta texnika jalb qilingan”.
Imonqulovning aytishicha, yong‘in sodir bo‘lgan joyga olovni bartaraf qilish uchun yordamchi poyezd yuborilgan.
