Tatamida Rishod: Bugun o‘zbekistonlik dzyudo ustasi bahslarga kirishadi

Braziliyaning Rio-de-Janeyro shahrida boshlangan XXXI yozgi Olimpiya o‘yinlarining ikkinchi kuni mamlakatimiz dzyudo ustalari orasida Rishod Sobirov bahslarga kirishadi.

Og‘irlik vazni 66 kg.gacha bo‘lgan polvonlar bellashuvida Vatanimiz sharafini himoya qiladigan tajribali sportchimiz dastlabki bosqichda Belarus vakili Dmitriy Shershangan qarshi bahs yuritadi. 

Eslatib o‘tamiz, Rishod Sobirov 2008 yili Pekin (Xitoy)da, 2012 yili esa London (B.Britaniya)da bo‘lib o‘tgan yozgi Olimpiya o‘yinlarida 60 kg. vazn toifasida bahs yuritib, har ikki musobaqada ham bronza medallariga sazovor bo‘lgan.