Juita Gulshana Invest trikotaj mahsulotlari sexini ochdi

Juita Gulshana Invest qo‘shma korxonasi «Jizzax» maxsus industrial zonasida trikotaj mahsulotlari ishlab chiqaruvchi sexini ishga tushirdi. Uni tashkil etishga 1 mlrd so‘m sarmoya kiritilib, Juita Gulshana Invest qo‘shma korxonasi tomonidan ishlab chiqarilgan zamonaviy tikuv mashinalari o‘rnatilgan.

Juita Gulshana Invest o‘zbek-xitoy qo‘shma korxonasi 2015-yil mayida «Jizzax» MIZda faoliyatini boshlagan edi. «O‘zbekengilsanoat» AJ va Zhejiand Juita Sewing Machine Co.LTD korxona muassislari hisoblanishadi. 

Juita Gulshana Invest yapon texnologiyalari asosida yiliga 15 ming donagacha tikuv mashinalari ishlab chiqara oladi.