Bolgariyada qochqinlar lagerida mushtlashuv yuz berdi

Bolgariya janubidagi qochqinlar lagerida 800 ga yaqin muhojir ommaviy mushtlashuv uyushtirdi. Betartibliklar tungi payt afg‘onlar va iroqliklar o‘rtasida chiqdi. Bu haqda Novinite agentligiga iqtibos keltirgan holda RIA “Novosti” axborot agentligi xabar bermoqda.  

Ta'kidlanishicha, mushtlashuv oqibatida 3 kishi jarohat oldi. Mushtlashuvdan keyin lagerga 50 nafar politsiyachi kelgan, ular bu yerdagi tartibni nazorat qiladilar. 

Avvalroq Bolgariya hukumati qochqinlar lagerini kengaytirishga qaror qilgani ma'lum qilingandi, yaqin orada u 3 mingga yaqin muhojirni qabul qilishi mumkin.