Join KUN.UZ Telegram каналига қўшилинг ва энг сўнгги янгиликлардан хабардор бўлинг! Аъзо бўлиш
x
АҚШда атом электростанцияси сотувга қўйилди
12:36 / 14.09.2016
7607

АҚШнинг Алабама штатида иккита реакторли, қуриб битказилмаган Bellefonte атом электростанцияси сотувга қўйилди. Бу ҳақда станцияга эга компания Tennessee Valley Authority’га иқтибос келтирган ҳолда ТАСС ахборот агентлиги хабар бермоқда. 

Маълум қилинишича, объект нархи 36,4 млн долларга баҳоланган.

"Бу биз сотаётган биринчи АЭСдир, биз аввал бундай қилмаганмиз. АЭС охиригача қурилмаган, реакторлардан бири 50 фоизга, иккинчиси 90 фоизга қуриб битказилган", деб маълум қилди компания вакили Скотт Фидлер.

Унинг айтишича, атом станцияси энергия ишлаб чиқариш учун яроқсиз. Унинг таъкидлашича, АЭСга ёндош ҳудуднинг умумий майдони 6,4 квадрат километрни ташкил қилади, унда бир нечта омбор учун хоналар ва идора биноси бор.

Фидлернинг айтишича, АЭС савдосида хорижий компаниялар АЭСни иқтисодий ривожлантириш режаларини тақдим қилган ҳолда иштирок этишлари мумкин.
 


Улашинг
Top