Muhandis Erondan Buyuk Britaniyaga avtorikshada yetib bordi

Kelib chiqishi hind bo‘lgan avstraliyalik muhandis Erondan Buyuk Britaniyaga quyosh batareyasida harakatlanuvchi avtorikshada yetib bordi, deb yozmoqda Indiatimes portali.

Navin Rabelli 10 ming kilometrlar masofani ortda qoldirish uchun 7 oy sayohat qilgan. U, fevral oyida yo‘lga chiqib, Turkiya, Bolgariya, Serbiya, Avstriya, Shveytsariya, Germaniya va Fransiyani ortda qoldirib, Birlashgan Qirollikka yetib kelgan. Parij yaqinida Rabellining pasporti va hamyonini o‘g‘irlashgan bo‘lsa-da, u sayohatini davom ettira olgan. 

Rabellining aytishicha, u elektr va quyosh batareyalarida yuradigan mashinalarning keng imkoniyatlariga e'tibor qaratish maqsadida shunday yo‘l tutgan.