Zilzilalar Marsda hayot mavjudligini isbotladi

Shotlandiyalik olimlar Marsdagi kichik zilzilalarda vodorod ajralib chiqayotganini aniqlashdi, bu esa boshlang‘ich hayot shakllari uchun energiya manbai hisoblanadi. Bu haqida Astrobiology ilmiy jurnalida chop etilgan maqolada ma'lum qilindi. 

Tadqiqotchilar Tashqi Gebrid orollaridagi tog‘ yoriqlari - Shotlandiya qirg‘oqlaridagi arxipelagni o‘rganib, ana shunday xulosaga kelishdi. Xususan, ular yoriqlar yaqinida hayotni qo‘llab-quvvatlash uchun yetarli bo‘lgan vodorod ishlab chiqarilishini isbotlashning uddasidan chiqishdi. 

Bundan tashqari, tadqiqotchilar seysmik faollik qayd qilingan yerda tektonik yoriqlar yonida paydo bo‘layotgan suyuqliklarning kimyoviy tarkibini alohida tahlil qilib chiqishdi. 

Olimlarning ma'lum qilishicha, ular tomonidan topilgan modellar xuddi shunday zilzilalar sodir bo‘luvchi Qizil sayyoraga ham muvofiq keladi. Salohiyatli mikroorganizmlar ajralayotgan vodorod tufayli  u yerda yashab ketishilari mumkin bo‘lardi. Shunga qaramay, olimlarning xulosalarini Marsda amalda sinab ko‘rish zarur.