Estoniyada prezidentlik saylovi bo‘lib o‘tadi

Estoniyada prezidentlik saylovi bugun – 24 sentabrda, Tallinda yig‘iladigan saylovchilar Kollegiyasida bo‘lib o‘tadi.

Estoniyada bilvosita prezidentlik saylovi ikki bosqichli tizimda o‘tkaziladi. Avval davlat rahbarini aniqlashga parlament harakat qiladi, agar bu yerda ovozlar yetarli bo‘lmasa, unda saylovchilar Kollegiyasida nomzodni aniqlashga kirishiladi.

Mamlakat parlamentida uch turdan iborat ovoz berishda davlat yetakchisi kim bo‘lishiga oydinlik kiritilmadi. Shunga muvofiq, ovoz berish saylovchilar Kollegiyasida davom ettiriladi. Ushbu Kollegiyada parlamentning 101 deputati, mahalliy boshqaruv organlarining 234 nafar vakili – jami 335 kishi faoliyat yuritadi.

Eslatib o‘tamiz, Estoniya prezidentligi uchun ovoz berishlar besh nafar nomzod o‘rtasida bo‘lib o‘tmoqda.