«Chelsi»ni jiddiy o‘zgartirishlar kutayotgani taxmin qilindi

«Chelsi» jamoasi xo‘jayini Roman Abramovich qishki transferlar darichasi vaqtida jamoa tarkibida jiddiy o‘zgarishlar amalga oshirishni mo‘ljallagan.

The Telegraph xabariga ko‘ra, Abramovich jamoaning o‘yinlardagi natijalaridan norozi bo‘lmoqda va tarkibni kuchaytirishni istamoqda. Buning uchun esa avvalo tarkibdagi yoshi o‘tgan futbolchilardan xalos bo‘lmoqchi.

Gap birinchi navbatda serbiyalik himoyachi Branislav Ivanovich haqida boradi, uning shartnomasi 2017 yilning yozigacha.

Shuningdek, yarim himoyachilar Oskar va Nemanya Matichning tarkibda qolishi gumon ostida. Ispaniyalik tajribali xavbek Sesk Fabregas ham "sotuvga qo‘yilishi mumkin".

Jamoa qishki transferlar chog‘ida markaziy himoyachi va hujumchi sotib olishi kutilmoqda.

«Chelsi» APLning 6 turidan keyin 10 ochko bilan sakkizinchi o‘rinda joylashib turibdi.