Savchenko: Rossiyani BMT tarkibidan chiqarish kerak

Ukraina Oliy Radasi deputati Nadejda Savchenko ukrainalik jurnalist Roman Sushenkoning josuslikda gumon qilinib RFda ushlanishiga munosabat bildirar ekan, Rossiyani BMT tarkibidan chiqarishni taklif qildi. U «112» telekanali efirida shunday fikrni bildirgan.

«Rossiya to‘xtamaydi, turli xil keraksiz narsalar yaratilmoqda, va bu yana bir marta YeKPA (Yevropa kengashi parlament assambleyasi)da, "Katta yettilik" va BMTda Rossiyaga o‘rin yo‘qligini ko‘rsatadi. RFning qilayotgan ishlari ushbu tashkilotlar poydevoriga qo‘yilgan yuqori mezonlarga ziddir», — degan Savchenko.

U shuningdek, Ukraina va Rossiya o‘rtasida viza tartibi joriy qilinganini ma'qullagan. Savchenkoning fikricha, bu Rossiyaga ishlashga borayotgan ukrainaliklarni himoya qiladi. 

«Rossiya bilan viza tartibini joriy qilamiz, Yevropa bilan vizali bordi-keldini bekor qilamiz, bu ancha ijobiy natija bo‘ladi», — degan u.