"Honda" kompaniyasi kuzov detallari 3D-printerda bosilgan ilk avtomobilni namoyish qildi. "Kabuku" texnologiya firmasi bilan hamkorlikda yaratilgan prototip premerasi Yaponiyada CEATEC-2016 ko‘rgazmasi doirasida bo‘lib o‘tdi.
Yengil quvurli karkasda qurilgan avtomobilda faqatgina haydovchi uchun joy bor. Kuzovning orqa qismida kichik yukxonaga ega mashina kurerlik xizmatlariga mo‘ljallangan.
"Honda" va "Kabuku"da 3D-bosma texnologiyasi ishlab chiqarish jarayonini arzonlashtirishi va tezlashtirishi, shu bois prototip "seriyali ishlab chiqarish uchun ayni muddao" ekanligi ta'kidlandi.