«Natija bölmasa, özim ketaman» - Islom Ismoilov «Neftçi», futboldagi pullar, Ronaldu va Kannavaro haqida
|19:102 82811 min
Şuningdek, u Kriştianu Ronaldu bilan nega suratga tuşmagani, Fabio Kannavaro faoliyatiga munosabati, xorijda işlaş rejalari va hayotidagi eng oğir yöqotiş haqida ham gapirdi.
Islombek Ismoilov 33 yoşida mamlakatning amaldagi çempioni «Neftçi» ustoziga aylangan. Bu tayinlov köpçilikda qator savollar tuğdirgandi: u klubdagi katta nomga ega futbolçilar bilan til topişa oladimi? Jamoaning öyin uslubini özgartira oladimi? Mutaxassis Kun.uz muxbiri bilan suhbatda şu kabi savollarga javob qaytardi.
33 yoşida «Neftçi»ga boş murabbiy bölgani haqida
Klubga kelayotganda qörquv yöq edi. Agar qörqqanimda, bu yölga kirmagan bölardim. Töğri, biroz ikkilaniş bölgan. Çunki yoşlar terma jamoasidan töğridan töğri katta maqsadlari bor klubga ötdim.
Lekin doim özimga işonganman. Atrofimdagi insonlar töğri maslahat berişgan. Farğona viloyati hokimi [Xayrullo Bozorov] ham suhbatlarimiz davomida qöllab-quvvatlaşini bildirgan, menga katta işonç bildirgan. Bu ham qöşimça kuç bergan.
Vodiy klublaridan nega aynan «Neftçi»ni tanlagani haqida
Bu yoşimda uçta katta maqsadli klubning («Neftçi», «Navbahor», «Andijon») taklif bildirişi men uçun juda quvonarli holat bölgan. Ularning barçasidan minnatdorman.
«Neftçi»ni tanlaşimning asosiy sababi - özim farğonalikman. Yoşligimizdan şu jamoaga muxlislik qilganmiz. Otam «Neftçi»da öynagan, şu yerda işlagan. Oilamiz hayoti ham maʼlum maʼnoda şu klub bilan boğliq bölgan.
Bu boşqa jamoalarga hurmatsizlik emas. Men özim tuğilib ösgan joyni, «Neftçi»ni yaxşi köraman. Boşqa jamoani tanlaşim özimga nisbatan adolatsizlik bölardi.
Klubda qanday qabul qilişgani haqida
Albatta, bu futbolçilar yoşlar terma jamoasidagilardan farq qiladi. Özbekistonning eng yetuk, öz nomiga ega, xorijda va yuqori darajadagi jamoalarda öynagan futbolçilari bor.
Ularning holatini ham tuşunganman. Ular uçun ham bu oson vaziyat bölmagan. Lekin men öz bilimim, mehnatim va harakatim bilan ularning köngliga yöl topa olişimga işonganman.
Boşida oson bölmadi. Keyinçalik futbolçilar nima xohlayotganimni tuşuna boşlaşdi. Munosabatlarimiz yaxşilandi. Mana, töqqiz-ön oy bölayotgan bölsa, birorta futbolçi bilan jiddiy konflikt yuz bermadi.
Mavzuga oid
Farğonaning «Neftçi» klubi boş murabbiyi Islom Ismoilov Kun.uz’ga bergan intervyusida jamoasidagi özgarişlar, hujumkor futbolga ötiş qiyinçiliklari, davlatning futbol klublarini moliyalaştirişi va yoş futbolçilar mentaliteti haqida fikrlari bilan bölişdi.
Albatta, iş jarayonida kiçik kelişmovçiliklar bölişi mumkin. Lekin munosabatlarga taʼsir qiladigan holat kuzatilmadi.
Men professional futbolçilar bilan gaplaşişdan oldin har bir fikrimni köp tahlil qilaman. Çunki ular 17 yoşli bolalar emas. Ularga yetkazayotgan har bitta maʼlumotim aniq faktlarga asoslangan bölişi kerak. Gapimning kuçi va amalda isboti bölişi muhim.
Hujumkor futbol haqida
Birinçi navbatda, viloyat hokimi hujumkor futbolni ilgari surdi. «Farğonaga hujumkor futbol yaraşadi», dedilar.
Töğri, jamoa uç yil davomida köproq himoyaviy futbol öynadi va çempionlikni qölga kiritdi. Lekin futbol bosqiçma-bosqiç rivojlanadi. Endi hujumkor futbol körsatişga tayyor ekanimizga işonç bildirildi.
Buning uçun futbolçilarga nima xohlayotganingizni tuşuntira olişingiz kerak. Ular buni maydonda bajarişi, keyin bu yondaşuvning töğriligiga işonç hosil qilişi lozim.
Boşida juda qiyin böldi. Uç yil himoyaviy futbol öynagan jamoani birdaniga hujumkor jamoaga aylantiriş katta tavakkalçilik va mehnat talab qiladi.
Dastlab örtoqlik uçraşuvlarida öyinimiz öxşamadi. Futbolçilar ham qiynalayotganini aytişdi. Lekin vaqt ötib, bu uslubning afzalliklarini tuşunişdi.
Ularning özlari ham himoyada öynaş katta ruhiy bosim ekanini taʼkidlaşardi. Doim xavfni sezib öynaysiz, töpsiz harakat qilasiz, köp kuç yöqotasiz.
Hozir esa oldinda öynayapmiz, köplab gollar uryapmiz. Futbolçilarning öziga ham bu yoqyapti. Şuning uçun jarayon osonlaşdi.
Albatta, maydonda bu ğoyani amalga oşiradigan futbolçilar. Ularga buning uçun rahmat aytaman.
Özbek futboli va zamonaviy yondaşuvlar haqida
Biz futbolimizdan juda köp narsa xohlaymiz. Yevropa futboli darajasiga çiqişni, futbolçilarimiz Angliya Premer-ligasida öynaşini istaymiz.
Lekin özimiz-çi? Biz işlayotgan sohalar Yevropa darajasidami? Nima uçun aynan futboldan eng yuqori darajani talab qilamiz-u, özimiz faoliyat yuritayotgan boşqa sohalarda şunday talabni qöymaymiz?
Futbol millionlar öyini ekanini tuşunaman. Hatto «Real» yoki Braziliya terma jamoasiga qarşi öynasangiz ham, ğalaba qozonişni xohlaysiz. Bu tabiiy.
Lekin futbolga munosabatimizni ham rivojlantirişimiz kerak. Bizda köp muxlislar öyinni hissiyot bilan köradi, uning mohiyatini tahlil qilmaydi.
Yevropada esa juda köp muxlislar öyindan oldin ham, keyin ham yiğilib, futbolni muhokama qiladi. Ular futbolni tahlil bilan yaşaydi.
Qaysi biri töğri, deyiş qiyin. Çunki futbol insonlarga hissiyot beriş uçun ham öynaladi. Lekin uni tahlil qilib körsangiz, öyindan oladigan bilimingiz va tuşunçangiz köproq böladi.
«Paxtakor» ustidan Superkubokdagi ğalaba haqida
Öşa paytda yelkamda katta masʼuliyat bor edi. Hamma natija kutgan. Jamoani qabul qilganimga atigi uç oy bölgandi.
Özim uçun ham qiziq edi: uç oyda jamoani qançalik özgartira olaman, qanday natija körsatamiz?
«Paxtakor» ham Özbekistonning eng kuçli klublaridan biri. Uç oylik mehnat, kutilmalar, masʼuliyat - barçasi ğalabadan keyin hissiyot bölib taşqariga çiqdi.
Bundan taşqari, bu klub darajasidagi birinçi sovrinim edi.
«Nasaf» uçralgan 6:2 hisobidagi mağlubiyat haqida
«Nasaf»ga qarşi öyindan oldin kubok bahsida «Paxtakor»ni öz maydonida mağlub etdik. Öşa uçraşuvda juda köp hissiyot sarfladik.
Futbolda eng qiyin tiklanadigan narsa - emotsiyalar. Jismoniy jihatdan oğir yuklamadan keyin 72 soatda tiklaniş mumkin. Lekin ruhiy tiklaniş boşqa masala.
Bizda şu tomondan muammo bor edi. Maydonda bu öz taʼsirini körsatdi. Oddiy vaziyatlarda gol ötkazib yubordik. Gollarning asosiy qismi standart vaziyatlardan böldi.
Bu yil biz uçun ikki oğriqli mağlubiyat böldi: «Buxoro» va «Nasaf» bilan öyinlar.
«Nasaf»ga qarşi birinçi bölim 4:1 hisobida yakunlandi. Bunday hisob istalgan jamoaning ruhiyatini tuşirib yuboradi. Har qanday jamoaning boşiga şunday qora kun tuşişi mumkin. Afsuski, öşa kuni bu biz bilan sodir böldi.
Hujumkor futbolning badali haqida
Hujumkor öynayman desangiz, bunday vaziyatlarga ham tayyor turişingiz kerak. Balki öşa kuni beş himoyaçi bilan öynaganimizda bu xatolar bölmasdi. Balki öşanda ham şunça gol ötkazib yuborardik.
Buni oldindan heç kim bilmaydi. Har bir voqeaning sababi böladi. Lekin men buni öşa kungi taqdirimiz deb qabul qildim.
Ronaldu va u bilan suratga tuşmagani haqida
Imkoniyat bor edi. Suratga tuşsam bölardi. Şunçaki xohlamadim. Tanqidlardan qörqqanim yöq. Agar şunday bölganida, suratga tuşib, bir yildan keyin ham eʼlon qilişim mumkin edi. Lekin xohlamadim. Aslida yoşligimda men ham Ronalduga muxlislik qilganman. U bekorga dunyoning eng katta futbol yulduzlaridan biri emas. 41 yoşida ham şu darajada öynayotganini tan oliş kerak.
Men Messini ham, Ronalduni ham inson va futbolçi sifatida hurmat qilaman. Ikkalasining ham bosib ötgan yöli, öyin uslubi hurmatga loyiq.
Ronalduning salobati, özini tutişi, jamoaga taʼsiri katta. U maydonda avvalgidek köp yugurmasligi mumkin. Lekin uning borligi «An-Nasr» uçun katta kuç. U futbolçilarni qöllab-quvvatlaydi, jamoani birlaştira oladi.
Xorijda işlaş haqida
Katta maqsadlarim bor. Lekin hozir bor eʼtiborim «Neftçi»da. Çempionlik uçun kuraşişimiz kerak. Kelajakda vaqti-soati kelsa, nasib qilsa, xorijda ham özimni sinab körişni istayman.
Hozir «Neftçi»da men uçun hamma narsa qulay. Oilamga, uyimga yaqinman. Hamma hurmat qiladi. Xotirjam işlayapman.
Lekin men doim özimni qiyin vaziyatlarga qöyişga harakat qilganman. Uzoq vaqt komfort zonada qolib ketişni xohlamayman. Qiyinçiliklarni yengişdan zavq olaman.
Viloyat hokimi haqida
Jamoaga istalgan murabbiy - Gvardiola, Mourinio kelsa ham agar u moddiy qöllab-quvvatlanmasa, unda natija bölişi juda qiyin. Bu yölda Farğona viloyati hokimi Xayrullo Bozorov klubni har tomonlama qöllab-quvvatlayapti. Şunga mos ravişda jamoa ham, futbolçilar ham, murabbiylar ştabi ham yaxşi natija körsatmoqda. Bu bir-biriga boğliq jihatlar. Moddiy qöllab-quvvatlaş yaxşi bölib, murabbiylar ştabi yoki futbolçilar yaxşi bölmasa, natija yaxşi bölmasligi mumkin.
Davlat futbolni moliyalaştirişi haqida
Agar biz klublarimizning Yevropadagi kabi moliyalaştirilişini xohlasak, unda qolgan narsalar ham ularnikidek bölişi lozim: muxlislar taşrifi ham, öyinlarga çiptalar narxi ham. Yevropa klublari juda köp mablağni marketing tomondan reklamalar orqali topadi. Bizda esa reklamadan pul topadigan klublar juda kam. Agar bizda ham klublarda mana şu jihatlar böla turib, u davlatdan moliyalaştirişni kutganda bu - absurd bölardi. Ammo yuqorida aytgan narsalarimiz bölmay turib, klublar özini özi moliyalaştirsin deyiş - reallikka töğri kelmaydi. Hozir futbolga davlatning yordami kerak. Agar doimiy jahon çempionatiga çiqmoqçi bölsak, Osiyoda öz örnimizni körsatmoqçi bölsa, albatta, davlatning yordami kerak.
Özbek futbolidagi hakamlik haqida
Men bir marta hakamlik haqida gapirganman. Endi fikr bildirmayman.
Futbolçilar mentaliteti haqida
Katta yoşli futbolçilar qiyin davrlarni körgan. Ularning davrida hozirgidek imkoniyatlar, şaroitlar bölmagan. Hozirgi yoş futbolçilarda dunyoqaraş ham özgarmoqda. Ular köproq maʼlumot olyapti. Bu esa ularning muomalasiga ham taʼsir qilyapti. Oçiğini aytaman: hozirgi yoş futbolçilar avvalgi avlod vakillariga nisbatan kamroq mehnat qiladi. Bu biz körayotgan jihatlar. Ammo ularning kutilmalari katta.
Yoş futbolçilarga tavsiyalar
Birinçi navbatda manmanlikdan voz keçiş lozim. Şuningdek, özining komfort zonasidan çiqişi kerak va albatta köproq mehnat qilişi şart.
Fabio Kannavaro haqida
Kannavaro haqida menda hozir ijobiy ham, salbiy ham taassurot yöq. Murabbiyga natija körsatganda baho beriladi.
