Xitoylik bloger Shanxay bo‘ylab “teleportatsiya” uyushtirdi

JT Singh nomi ostidagi videobloger Shanxay bo‘ylab sayohat qildi va   teleportatsiya usulidagi videorolikni YouTube’da namoyish qildi. Rolik muallifi Xitoyning eng yirik shahridagi an'anaviy inshootlarini emas, shahar chetida istiqomat qiluvchi oddiy uylardagi xonadonlar, ko‘chalar, bozorlarni  ko‘rsatib berdi. 

Bloger shahar aholisining kundalik yumushlar bilan shug‘ullanishi,  taom tayyorlash, kir yuvish yoki tishlarini tozalashini “kuzatgan”. Rejissyor bu videorolik orqali tomoshabinlarga boy megapolis xaosi fonida o‘z an'analariga ega ajoyib hayot yashirin ekanligini ko‘rsatib berishni istaganini bildirgan.