JCh-2018 musobaqasining ramzi ma'lum bo‘ldi

Zabivaka ismli bo‘ri Rossiyada o‘tadigan 2018 yilgi jahon chempionatining rasmiy ramzi deb topildi. U so‘rovnomada 52,8 foiz ovoz to‘pladi. So‘rovnoma natijalari “Vecherniy Urgant” ko‘rsatuvi orqali e'lon qilindi.

23 sentabrda boshlangan so‘rovnoma FIFAning rasmiy sayti hamda ijtimoiy tarmoqlarda o‘tkazildi. Finalda bo‘ridan tashqari, Mushuk hamda Amur yo‘lbarsi ishtirok etdi.

Futbol bo‘yicha navbatdagi jahon chempionati 2018 yil 14 iyundan 15 iyulga qadar Rossiyaning 11ta shahrida joylashgan 12ta stadionda o‘tkaziladi.