Chikago aeroportida samolyot yonib ketdi

AQShning Chikago shahridagi O'Xara aeroportida uchish-qo‘nish yo‘lakchasida Boeing-767 samolyoti yonib ketdi. Chicago Tribune nashri xabar berishicha, voqea joyiga o‘t o‘chirish brigadalari yetib kelgan.  

Samolyotda 171 kishi, jumladan 161 yo‘lovchi bo‘lgan. Dastlab voqea oqibatida 7 yo‘lovchi va bir bortkuzatuvchi kichik jarohatlar olgani, ular yaqin oradagi shifoxonaga yetkazilganlari ma'lum qilingan. Biroq keyinroq jarblanganlar 20 ga yaqinni tashkil qilayotgani aytilgan. 

"Ko‘pchilik yo‘lovchilar samolyotdan falokat traplari orqali tushayotganlarida jarohat olganlar. Biz 20 ga yaqin kishini bir nechta shifoxonalarga jo‘natdik", deb aytdi Chikago o‘t o‘chirish xizmati vakili Xuan Ernadnes.

Qolgan yo‘lovchilar o‘z manzillariga 29 oktabrda boshqa samolyotlarda yetkaziladilar.

Samolyot American Express aviakompaniyasiga tegishli bo‘lib, Chikago-Mayami reysi bilan uchishi kerak bo‘lgan. 

AP axborot agentligining ma'lum qilishicha, falokatga dvigateldagi jiddiy nosozlik olib kelgan bo‘lishi mumkin. Nosozlik shunchalik jiddiy bo‘lganki, uning qismlari tashqariga sochila boshlagan.  

CNN ma'lumotiga ko‘ra, shu samolyot avvalroq Londondan uch soatlik kechikish bilan kelgan bo‘lgan.