«Barselona» hujumchisi Lionel Messi YeChL guruh bosqichining 4-turi doirasida «Manchester Siti»ga qarshi kechgan o‘yinda hisobni ochdi.
Bu Messining turnirdagi o‘yinlarda urilgan 54-goli bo‘ldi va u 53ta goli orqali o‘zi bilan tenglashib turgan Raulni ortda qoldirdi. Bu borada Krishtianu Ronaldu uchinchi o‘rinda (51 gol).
Shu bilan birga bu gol argentinalik futbolchining YeChL joriy mavsumidagi 7-goli bo‘ldi. U Chempionlar ligasining o‘tgan mavsumida 6ta gol urgandi.
Shuningdek, Messi «Manchester Siti» darvozasini oltinchi marta ishg‘ol qilmoqda. Angliyaliklar klubi hali hech bir futbolchidan buncha ko‘p marta gol o‘tkazmagan.
Messi Yevropa vakili bo‘lmagan holda YeChLda 100ta o‘yin o‘tkazgan ikkinchi futbolchi bo‘lib turibdi, bu borada Roberto Karlos birinchi o‘rinda (120 o‘yin).
