Moskvada bir kun ichida 562ta YTH qayd etildi

Moskvada oxirgi sutkalarda kuzatilayotgan noqulay ob-havo sharoitlari natijasida 562ta yo‘l transporti hodisasi qayd etildi. Bu haqda Rossiya davlat avtomobil inspeksiyasi ma'lumotiga asoslanib, TASS xabar bermoqda.

«Bir sutka ichida Moskva ko‘chalarida 562ta YTH sodir bo‘lgan bo‘lib, ular moddiy zarar yetkazishgan. 14 marta avariya yuz berishi oqibatida 4 kishi halok bo‘lgan va 18 kishi jarohatlangan», — dedi tashkilot matbuot xizmati.

Agentlikning huquq tartibot organlaridagi manbasi ma'lum qilishicha, aksariyat YTHga sabab tezlikni me'yoridan oshirish, masofa saqlay olmaslik va sirpanchiqlik tufayli avtoulovlarning xavfli harakatlari sabab bo‘lgan.