Internetda Meksikaning Tulansingo shahrida havaskor jamoalar o‘rtasida kechgan uchrashuv vaqtida o‘yin hakami Viktor Trexoning futbolchi tomonidan o‘ldirilishi tasvirlangan video paydo bo‘ldi.
Kuchli zarbadan so‘ng referi voqea joyida halok bo‘ldi. Shifokorlar uning hayotini saqlab qola olmadi.
Hodisa joyidan yashiringan sportchini politsiya xodimlari izlamoqda.
Bundan oldinroq 6 noyabr kuni Ruben Rivera Vaskes ismli futbolchi uchrashuvni boshqarib borgan 59 yoshli referini o‘ziga qizil kartochka ko‘rsatgani uchun yuziga boshi bilan qattiq zarba berib, o‘ldirib qo‘ygani xabar qilingandi
