Obama ittifoqdoshlarga AQSh himoyasini va'da qildi

AQSh prezidenti Barak Obama uning davlati NATO bo‘yicha ittifoqdoshlarini himoya qilishiga va'da berdi. 

"Gretsiya demokratik davlat hisoblanadi, chunki biz NATO bo‘yicha ittifoqdoshlarmiz. Biz demokratiyalar alyansimiz. Biz yillar mobaynida NATOga investitsiyalar qildik. Bugun NATO dunyodagi eng yirik alyans, u har doimgidan barqarorroq. Men amerikaliklar NATOga a'zo har bir davlatni himoya qilishni davom ettirishiga ishonch bilan qarayman", deb aytdi Obama Afinada Stavros Niarxos jamg‘armasi madaniyat markazidagi nutqi davomida.

Obama o‘z nutqi davomida demokratiya haqida ko‘p fikrlar bildirdi. "Afinada yoqilgan demokratiya olovi hech qachon so‘nmaydi", deb aytdi Obama. Uning aytishicha, AQSh ko‘plab davlatlar bilan hamkorlik qiladi, biroq hamma davlatda ham demokratiya bor emas. "Demokratik jamiyatlar ko‘proq adolatli va barqarorroqdir. Demokratik tuzum bo‘lmagan joyda imkoniyatlar kamroq bo‘ladi. Demokratiya farovonlik uchun imkoniyatlar taqdim qiladi", deb aytdi Obama. 

Obama fuqarolar o‘z yetakchilarini tanlashda erkin bo‘lishlari kerakligini aytdi. Obama shuningdek nutqi davomida AQShdagi saylovlar borasida ham to‘xtalib o‘tdi. "Bizda AQShning yangi prezidenti bilan ko‘plab ziddiyatlar bor, biroq amerikacha demokratiya istalgan odamdan kuchliroq. Biz hokimiyatning silliq o‘tishini ta'minlash uchun barcha imkoni bor ishni qilamiz", deb va'da berdi Obama.