Janubiy Koreya bosh vaziri Peruda o‘tadigan xalqaro sammitda mamlakat prezidenti nomidan ishtirok etadi

Janubiy Koreya bosh vaziri Xvan Gyo An Peruda bo‘lib o‘tadigan Osiyo-Tinch okeani iqtisodiy hamkorligi sammitida mamlakat prezidenti Pak Kin Xe atrofida bo‘layotgan g‘alvalar sabab, mamlakat nomidan ishtirok etadi.

“Renxap” agentligi ma'lumotiga ko‘ra, Osiyo-Tinch okeani iqtisodiy hamkorligi sammitida Janubiy Koreya nomidan prezident emas, balki bosh vazir qatnashishi birinchi holatdir.

Xvan Gyo Anning tashrifi doirsida mamlakatning Lotin Amerikasi davlatlari, jumladan, Peru, Chili, Kolumbiya va Meksika bilan hamkorligi masalalari ko‘rib chiqiladi. Bundan tashqari uning Peru bosh vaziri bilan ko‘rishishi ham kun tarkibiga kiritilgan. Uchrashuvda infraqurilmalar, sog‘liqni saqlash tizimi va energitika masalalari muhokama etilishi nazarda tutilgan.