Xitoy poytaxt megapolisining temir yo‘l tarmoqlariga 36 mlrd dollar investitsiya kiritadi

Xitoy hukumati qiymati 247 mlrd yuan (36 mlrd dollar) bo‘lgan temir yo‘llarni rivojlantirish rejasini tasdiqladi. Islohot Pekin, Tyantszin va Xebey viloyatini qamrab oluvchi Tszin-Tszin-Tsi megapolisida tarmoqlarni yaxshilashga qaratiladi, deb yozmoqda Reuters.

Xitoy rivojlanish va islohotlar bo‘yicha Milliy komissiyasi ma'lumotlariga ko‘ra, reja o‘n loyihani o‘z ichiga qamrab olib, ularning umumiy uzunligi 1100 km temir yo‘lni tashkil qiladi. Bu loyihalar 2030 yilda qurib bitkazilishi kutilmoqda.

Ma'lumot uchun, hozirda uch viloyat aholisi soni 110 mln kishini tashkil qilib, uning maydoni — 212 ming kv. km.ga teng.