Moskva shahar dumasining yodgorlik san'ati bo‘yicha komissiya payshanba kuni o‘tkazilgan yig‘ilishda Rossiya poytaxtida O‘zbekistonning birinchi prezidenti Islom Karimov haykali o‘rnatilishi g‘oyasini bir ovozdan qo‘llab-quvvatladi.
Komissiya raisi Igor Voskresenskiyga asoslanib Interfaks nashrining xabar berishicha, Karimovga Moskvada yodgorlik o‘rnatish g‘oyasi O‘zbekiston tomonidan bildirilgan.
Yodgorlik Polyanka ko‘chasidagi xiyobonga o‘rnatilishi rejalashtirilgan.
"Haykal O‘zbekiston elchixonasi fonida joylashadi", - deya qayd etgan Voskresenskiy.
O‘z navbatida O‘zbekistonning Rossiyadagi elchisi Bahrom Ashrafxonov komissiya a'zolariga ushbu tashabbusni qo‘llab-quvvatlashgani uchun minnatdorchilik bildirgan.
"Haykal loyihasi xalqaro tanlov orqali tanlanadi", - degan elchi.
Haykaltaroshlik ishlari uchun to‘lovlar O‘zbekiston tomonidan amalga oshiriladi, hududdagi obodonlashtirish va qurilish ishlari xarajatlari Moskva byudjyeti tomonidan qoplanadi.
